Charter Document - 02070093
| Charter Number: | 02070093 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | List |
| Date: | 1296 |
| Date type: | Internal, A.D., Feast |
| Resource Link(s): |
|
Charter:
In nomine Domini amen Anno incarnationis ejusdem MCC nonagesimo sexto die veneris post octabas Resurrectionis Domini ego Colardus Chapeluz notum facio universis presentibus et futuris quod ego teneo in feudum a reverendo in Christo patre domino episcopo Eduensi nomine sedis episcopatus Eduensis res inferius annotatas primo domum meam de Sedeloco et quicquid teneo et habeo apud les Forz in parochiatu de Blaanou in rebus omnibus quibuscumque item secundo in alio feudo omnes res illas quas acquisivi a Johanneta quondam filia Alexandri de Aligneyo videlicet domum apud Chaumes in parochiatu de Mahou cum manso Perroneti de Furno sito in parochiatu de Aligneyo promittentes per juramentum meum super [] ac eidem domino episcopo Eduensi fidelitatem perpetuam conservare ratione dictorum feudorum nec aliquem dominum seu superiorem in illis rebus quas acquisivi de consensu domini episcopi qui nunc est a venerabilibus viris decano et capitulo Sedelocensi apud Paloysat apud Buy et in toto parochiatu de Chaisseyo decetero reclamare preterquam episcopum decanum et capitulum supradictos volens me compelli ad premissa tenenda quasi ex re adjudicata per curiam domini ducis Burgundie cujus juridictioni quo ad hoc me et meos heredes suppono In cujus rei testimonium litteris istis sigillum dicte curie supplicavi apponi Actum in presentia Hugonis de Sancto Poncio clerici notarii Eduensis magistri Hugonis dou Cepoy Petri de Chargeyo Johannis Estordi clericorum et Renaudi de Leusia testium ad hoc vocatorum anno et die predictis