Charter Document - 02070090
| Charter Number: | 02070090 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1295 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis nos Hugo miseratione divina episcopus Eduensis notum facimus quod nos dilectum capellanum nostrum dominum Johannem de Borbonio latorem presentium facimus et constituimus procuratorem ad recipiendum loco vice et nomine nostri ac pro nobis possessionem castrorum et juridictionis temporalis Lugdunensis que et quam gentes illustris Francorum regis in manu sua tenebant et ad ponendum in dictis castris et juridictione pro nobis gentes quas viderit expedire et ad omnia et singula faciendum que nos in predictis facere possemus et deberemus si presentes essemus ratum et gratum plenius habituri quicquid in predictis per dictum capellanum nostrum fuerit peractum promittentes sub ypotheca rerum nostrarum si necesse fuerit judicatum solvi In cujus rei testimonium presentibus litteris sigillum nostrum duximus apponendum Datum die sabbati ante festum Assumptionis beate Marie Virginis anno Domini MCC nonagesimo quinto