Charter Document - 02070086

Charter Document - 02070086


Charter Number: 02070086
Cartulary Title: Cartulaire de l'Evêché d'Autun
Charter Language: Latin
Charter Origin: Lay
Charter Type(s): Sale
Date: 1294
Date type: Internal, A.D.
Resource Link(s):

Charter:

In nomine Domini amen Anno incarnacionis ejusdem millesimo ducentesimo nonagesimo quarto mense decembris ego Matildis relicta deffuncti domini Guillermi militis quondam majoris de Sedeloco nunc uxor Guillermi de Remilliaco domicelli notum facio universis presentes litteras inspecturis quod ego non decepta non circumventa non vi non dolo vel metu ad hoc inducta ymo sciens prudens et spontanea de mandato speciali et auctoritate ac eciam laude voluntate et assensu dicti Guillermi nunc mariti mei pro meo commodo evidenti titulo legitime pure perfecte perpetue et irrevocabilis permutacionis trado cedo quitto imperpetuum penitus et concedo reverendo in Christo patri ac domino Hugoni Dei gracia episcopo Eduensi et suis successoribus quicquid juris actionis et utilis habeo habere possum et debeo in quadam domo sita apud Sedelocum in castello inter domum capituli ex una parte et turrim Girardi pincerne ex altera in fundoque et pertinenciis dicte domus ratione dotis seu dotalicii sui donacionis propter negocias seu quacumque alia ratione vel causa que quidem domus predicta quondam fuit predicti domini Guillermi quondam mariti mei videlicet pro una grangia cum pertinenciis sita apud Sedelocum in vico Liberti que etiam grangia cum dictis pertinenciis quondam erat predicti domini Guillermi mariti mei deffuncti tenenda et possidenda ac etiam habenda a me ad vitam meam dumtaxat titulo dotalicii seu donacionis propter nupcias que dos vulgariter appellatur quam etiam grangiam totam cum pertinenciis predictus dominus episcopus et ejus successores michi ad vitam meam dumtaxat tenebuntur garantire item et pro decem libris Turonensium de soltis quas ego et dictus Guillermus nunc maritus meus integraliter habuimus et recepimus in peccunia numerata Propter quod de dicta domo cum pertinenciis et de omni jure et actione michi competentibus in eadem me devestiens penitus [] Actum in presencia magistri Laurencii de Monte Barro notarii curie domini ducis Burgundie Stephani Heremite clerici Hugonis Boutaudi et Johannis de Monceto armigerorum testium ad hoc vocatorum anno et mense predictis