Charter Document - 02070083
| Charter Number: | 02070083 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1292 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis frater Stephanus humilis abbas monasterii Corbigniacensis Eduensis diocesis magister Aymo de Pesmis archidiaconus Eduensis et Johannes de Borbonio archidiaconus Avalonensis in ecclesia Eduensi salutem in Domino Noveritis quod in nostra propter hoc presentia specialiter constituti dominus Girardus prepositus de Thoiseyo miles et Henricus ejus filius publice et in jure confessi sunt coram nobis se vendidisse et nomine venditionis concessisse et quittavisse reverendo in Christo patri domino Hugoni Dei gratia Eduensi episcopo tonduram cum fructibus et exitibus cujusdam nemoris cujus nemoris proprietas est ipsius reverendi patris quod nemus vulgariter appellatur les Coutures et est situm in parochia de Thoiseyo inter nemus quoddam appellatum les petites Chenevieres ex una parte et rivum dictum d'Issart Jehan ex altera pro precio viginti duarum librarum Turonensium de quibus confessi sunt se habuisse et recepisse plenarium pagamentum in peccunia legitime numerata confessi sunt se eidem reverendo patri et successoribus suis vendidisse et quittavisse tondeuram cum fructibus et exitibus ejusdem nemoris percipiendam de decennio in decennium incipiente in festo Nativitatis beati Johannis Baptiste pro eodem precio in fine cujuscumque decennii ipsis quandiu vixerunt et supervenienti persolvendo Post eorum decessum tondeura cum proprietate dicti nemoris ad episcopatum perpetuo remanebit se et heredes suos quo ad premissa tenenda obligantes et per juramenta sua propter hoc super sancta Dei evangelia coram nobis corporaliter prestita juridictioni curiarum nostrarum supponentes In cujus rei testimonium ad requisitionem dictorum militis et ejus filii sigilla nostra presentibus litteris duximus apponenda Datum anno Domini millesimo ducentesimo nonagesimo secundo die mercurii post hiemale festum beati Nicolai