Charter Document - 02070081

Universis presentes litteras inspecturis nos frater Guillermus miseratione divina ecclesie Clugniacensis minister humilis notum facimus quod nos concordiam ordinationem seu amicabilem compositionem factas inter reverendum patrem dominum Hugonem Dei gratia episcopum Eduensem ex una parte et fratrem nostrum karissimum fratrem Savericum priorem de Borbonio Lanseiz ex altera vidimus et diligenter inspeximus prout continetur in quibusdam super hoc confectis litteris que sequuntur Universis presentes litteras inspecturis nos Hugo divina miseratione Eduensis episcopus et frater Savericus humilis prior de Borbonio Lanseiz notum facimus quod cum discordia verteretur inter nos dictum episcopum ex una parte et nos dictum priorem ex altera pro eo videlicet quod cum nos dictus episcopus essemus in possessionem conferendi domum et cappellam leprosorum de Borbonio et ibidem rectorem instituendi et diceremus quod institutio dicti rectoris in dictis domo et capella ad nos debet de jure communi pertinere et nos prior predictus diceremus quod institutio dicti rectoris in dictis domo et cappella leprosorum ad nos ratione prioratus de Borbonio pertinere debet cum predecessores nostri quondam priores de Borbonio retroactis temporibus in predictis domo et cappella plures rectores instituerunt Tandem inter nos episcopum et priorem predictos de predicta discordia concordavimus in hunc modum quod institutio dicti rectoris in dictis domo et cappella ad nos predictum episcopum et ad successores nostros pro tempore Eduenses episcopos imperpetuum pertinebit dictus vero prior vel ejus successores pro tempore priores de Borbonio post decessum aut per resignationem seu etiam depositionem rectoris qui nunc est in dictis domo et cappella primam presentationem rectoris habebunt quem rectorem ad presentationem prioris tum existentis si presentata persona sit ydonea dictis domo et cappella nos seu episcopus Eduensis pro tempore existens instituemus in rectorem nos vero vel successor noster pro tempore existens defuncto rectore a priore presentato absque presentatione dicti prioris alium instituemus et sic alternis vicibus prout rectores succedent alterum instituemus et prior alterum presentabit ad cujus presentationem episcopus Eduensis cui presentatus fuerit ydoneus rector rectorem instituet in domo et cappella superius nominatis Quam concordiam predictam nos dictus prior visa in hoc utilitate nostri prioratus cum predicto domino episcopo fecimus prout ab eodem est superius expressum Nos enim predictus Guillermus ecclesie Clugniacensis predicte minister humilis supradictis diligenter inspectis dictam concordiam seu amicabilem compositionem approbamus ratifficamus et etiam confirmamus et ipsam volumus ac etiam promittimus pro nobis et successoribus nostris inviolabiliter observari In cujus rei testimonium sigillum nostrum presentibus duximus apponendum Datum anno Domini millesimo CC nonagesimo primo