Charter Document - 02070078
| Charter Number: | 02070078 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Presentation |
| Date: | 1290 |
| Date type: | Internal, A.D., Feast |
| Resource Link(s): |
|
Charter:
Reverendo in Christo patri ac domino Hugoni divina providentia Eduensi episcopo frater Ytherius de Nantolio sancte domus Hospitalis sancti Johannis Jherusalem prior humilis in Francia salutem et paratam ad ejus beneplacita voluntatem Dilectum nostrum fratrem Johannem de Escharnant exhibitorem presentium ad curam et regimen ecclesie de Campignolis Eduensis vestre diocesis cujus patronatus jus ad nos pertinere dignoscitur vobis tenore presentium presentamus paternitatem ac dominationem vestram reverende in Christo rogantes quatenus ipsum fratrem cum ob id ad vos venerit ad dictas curam et regimen admittere dignemini Valeat reverenda paternitas per tempora longiora Datum anno Domini millesimo CC nonagesimo die lune post festum Nativitatis beate Marie Virginis