Charter Document - 02070074
| Charter Number: | 02070074 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1284 |
| Date type: | Internal, Calendar, Papal |
| Resource Link(s): |
|
Charter:
Radulphus miseratione divina prime Lugdunensis ecclesie confirmatus electus salutem in Domino sempiternam Noveritis quod nos discretos et venerabiles viros nobis in Christo dilectos magistros Guillermum de Argentolio Virdunensis et Henricum de Sartines Sancti Justi ecclesiarum canonicos et quemlibet eorum insolidum ita quod non sit melior conditio occupantis facimus constituimus et ordinamus nostros veros et legitimos procuratores et nuncios speciales ad presentandum vice et nomine nostro et pro nobis venerabili patri [Jacobo] Dei gratia episcopo Eduensi Lugdunensis ecclesie suffraganeo et ejus vicariis officialibus et ministris quibuscumque et quocumque nomine censeantur ac eorum cuilibet litteras sanctissimi patris et domini domini Martini divina providentia summi pontificis super provisione facta de nobis in ecclesia Lugdunensi confectas et ad petendum pro nobis et nomine nostro ab eodem episcopo seu ipsius vicariis officialibus et ministris seu quolibet eorumdem necnon a personis quibuscumque aliis quorum intersit vel interesse possit administrationem generalem in spiritualibus et temporalibus archiepiscopatus ecclesie Lugdunensis et bonorum omnium spiritualium et temporalium ad nos et mensam archiepiscopalem quocunque jure spectantium ipsamque administrationem nostro nomine nanciscendum recipiendum et retinendum et de ipsa utendum et alii seu aliis resignandum ad recipiendum etiam et exigendum pro nobis et nomine nostro universos redditus proventus et obventus ad nos spectantes a quibuscumque personis clericis vel laicis collegiis et universitatibus debeantur et ad protestandum de jure nostro et ecclesie nostre ubi quotiens quando voluerint et viderint oportunum et ad omnia alia et singula generaliter et specialiter faciendum que in predictis et circa predicta fuerint et viderint oportuna etiam si mandatum exegerent speciale ratum et gratam habentes quidquid per ipsos procuratores nostros et ipsorum alterum factum fuerit in predictis et quolibet predictorum In cujus rei testimonium presentes litteras fieri facimus et sigilli nostri appensione muniri Datum apud Urbem Veterem decimo kalendas julii pontificatus domini Martini pape quarti anno quarto