Charter Document - 02070073
| Charter Number: | 02070073 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1283 |
| Date type: | Internal, A.D., Feast, Papal |
| Resource Link(s): |
|
Charter:
In nomine Domini amen Anno incarnationis ejusdem MCC octogesimo tercio die martis post festum beate Lucie virginis indictione XII pontificatus domini Martini pape quarti anno tercio per presens publicum instrumentum cunctis evidenter appareat quod cum ex parte capituli majoris ecclesie Lugdunensis et quorumdam canonicorum ejusdem capituli quidam canonici ejusdem capituli vice et nomine dicti capituli ut dicebant vellent facere ut dicebant domino officiali Lugdunensi et correario et judici curie secularis Lugdunensis pro reverendo in Christo patre domino Jacobo Dei gratia Eduensi episcopo gerente administrationem archiepiscopatus Lugdunensis ipsius sede vacante ac officialibus et gentibus ipsius domini episcopi apud Lugdunum existentibus pro ipso domino episcopo quandam inhibitionem et inhibere eisdem ex parte dicti capituli ne ipse dominus episcopus vel officialis vel correarius sive judex predicti aut gentes sui seu officiales dicti domini episcopi in officiis dicte administrationis existentibus se intromitterent de administratione predicta venerabiles viri dominus Petrus de Angusta archidiaconus et dominus Bonifacius ac dominus Aymo de Quart canonici dicte majoris ecclesie Lugdunensis antequam dicta inhibitio fieret predictis officiali Lugdunensi correario et judici curie secularis et aliis officialibus et gentibus dicti domini episcopi et quadam prius appellatione interposita in dicto capitulo Lugdunensi a magistro Stephano sigillifero pro dicto domino episcopo in curia Lugdunensi ne aliquid dictum capitulum contra ejusdem domini episcopi administrationem quam gerit in archiepiscopatu Lugdunensi nec contra ejus officiales seu gentes in hac parte constitutos me magistro Johanne de Parisius dicto de Campis clerico sacrosancte romane ecclesie publico auctoritate notario presente et testibus infrascriptis presentibus ad hoc vocatis et rogatis predicte inhibitioni faciende ex parte dicti capituli de predicta administratione ut dictum est personis superius nominatis consentire aliquatenus noluerunt nec volebant sed in quantum poterant pro se et sibi adherentibus et specialiter pro domino Hugone Bruni canonico Lugdunensi contradixerunt et contradicebant de capitulo memorato et me predictum notarium rogaverunt ut de predictis sibi facerem publicum instrumentum Actum in exitu capituli super scalaria dicti capituli antequam fieret dicta inhibitio ex parte dicti capituli personis superius nominatis presentibus et ad hoc vocatis testibus et rogatis magistro Bernardo Parentis et Andrea de Kadrellis auctoritate apostolica publicis notariis Girardo de Pesmis clerico et pluribus aliis clericis et laicis ibidem existentibus