Charter Document - 02070072
| Charter Number: | 02070072 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1283 |
| Date type: | Internal, A.D., Feast, Papal |
| Resource Link(s): |
|
Charter:
In nomine Domini amen Anno incarnationis ejusdem MCC octogesimo tertio die martis post festum beate Lucie virginis indictione XII pontificatus domini Martini pape quarti anno tertio per presens publicum instrumentum cunctis evidenter appareat quod congregato capitulo majoris ecclesie Lugdunensis in loco in quo consuevit more solito congregari presentibus in eodem capitulo domino Guidone de Buento procuratore ejusdem capituli dominoque Petro de Angusta archidiacono domino Guigone de Jareysio cantore domino Guillermo de Lygnon custode ecclesie Sancti Stephani Lugdunensis domino Guichardo de Sancto Symphoriano preposito de Forverio in ecclesia Lugdunensi domino Guichardo de Balma domino Johanne de Anthone domino Symone Palatini domino Jacobo de Corent domino Jacobo de Candiaco et pluribus aliis canonicis dicte majoris ecclesie Lugdunensis ibidem existentibus dominus Stephanus sigillifer in curia Lugdunensi pro reverendo in Christo patre domino Jacobo Dei gratia episcopo Eduensi gerente administrationem archiepiscopatus Lugdunensis ipsius sede vacante coram me magistro Johanne de Parisius dicto de Campis clerico sacrosancte romane ecclesie publico auctoritate notario presentibus testibus infrascriptis ad hoc vocatis et rogatis in scriptis appellavit ad sedem apostolicam in hunc modum Ne vos domine archidiacone Lugdunensis sive capitulum ecclesie vestre Lugdunensis post oblationem et presentationem vobis et capitulo vestro Lugdunensi factas per venerabilem virum magistrum Aymonem de Pesmis officialem Lugdunensem contra prefatum dominum episcopum Eduensem ecclesiam suam Eduensem et suos et administrationem archiepiscopatus Lugdunensis quam gerit aut in ejus ecclesie sue predicte Eduensis suorum aut administrationis predicte aliquid per vos aut vestros modo quolibet attemptetis aut attemptare presumatis ego magister Stephanus sigillifer predicti domini episcopi in curia Lugdunensi ad sedem apostolicam in hiis scriptis appello et provoco coram vobis predicto auctoritate sacrosancte romane ecclesie publico notario ipsum dominum episcopum et suos et administrationem predictam protectioni sedis apostolice supponendo Rogo autem vos predictum publicum notarium ut super appellatione et provocatione hujusmodi faciatis michi publicum instrumentum et invoco in testes omnes hic astantes Actum in dicto capitulo anno die indictione ac pontificatu predictis presentibus et ad hoc vocatis testibus et rogatis domino Johanne de Malleyo canonico Belnensi Andrea de Kadrellis clerico auctoritate apostolica publico notario et magistro Bernardo de Manzac clerico et pluribus aliis in dicto capitulo existentibus