Charter Document - 02070070

In nomine Domini amen Anno incarnationis ejusdem MCC octogesimo tercio die mercurii in festo Conceptionis beate Marie post primam antequam cantaretur tercia in majori ecclesia Lugdunensi indictione XII pontificatus domini Martini pape quarti anno tercio per presens publicum instrumentum cunctis evidenter appareat quod dicta die mercurii hora predicta pulsata campana in dicta Lugdunensi ecclesia prout moris est ad capitulum congregandum et ipso capitulo congregato in loco in quo more solito consuevit congregari presentibus ex eodem capitulo domino Guidone de Buento procuratore dicti capituli domino Petro de Angusta archidiacono domino Symone Palatim domino Stephano de Candiaco domino Guigone de Bees domino Bonifacio domino Aymone de Quart domino Theobaldo de Vassailliaco domino Jacobo de Corcut et pluribus aliis canonicis dicte Lugdunensis ecclesie vir venerabilis et discretus magister Aymo de Pesmis canonicus et officialis Lugdunensis pro reverendo in Christo patre domino Jacobo Dei gratia Eduensi episcopo gerente administrationem archiepiscopatus Lugdunensis ipsius sede vacante gerensque vices ipsius domini episcopi in spiritualibus et temporalibus in civitate Lugdunensi in presentia magistri Johannis de Parisius dicti de Campis clerici sacre sancte romane ecclesie publici auctoritate notarii et testium subscriptorum ad hoc vocatorum et rogatorum presentibus etiam magistro Bernardo Parentis Humberto de Chargeyo et Matheo Anglici auctoritate apostolica notariis publicis ad hoc specialiter vocatis et rogatis supradicto Petro de Angusta archidiacono et dicto capitulo communiter et divisim vice et nomine predicti domini episcopi quandam presentationem fecit in scriptis et obtulit in hunc modum Cum ego magister Aymo de Pesmis officialis Lugdunensis pro reverendo in Christo patre domino Jacobo Dei gratia episcopo Eduensi gerente administrationem archiepiscopatus Lugdunensis ipsius sede vacante prout moris est ab antiquo intellexerim ex relatione plurimorum quod capitulum prime Lugdunensis ecclesie seu aliqui de capitulo memorato conqueritur aut conqueruntur de predicto domino episcopo super administratione predicta quam gerit in presenti in civitate et archiepiscopatu Lugdunensi arbitrantes dictum dominum episcopum administrare indebite vel injuste et ad eum dictam administrationem de jure aut de consuetudine minime pertinere et propter hoc aliquas inhibitiones intendant facere ut dicitur in ipsius domini episcopi et ecclesie Eduensis prejudicium dampnum non modicum et gravamen idcirco ego prefatus magister Aymo gerens vices predicti domini episcopi in spiritualibus et temporalibus in civitate et diocesi Lugdunensi ne aliquis suspicari valeat quod prefatus dominus episcopus sectando lucrum aut emolumentum temporale necnon in anime sue et aliorum plurimorum civitatis et diocesis Lugdunensis periculum animarum dicte administrationis mittendo falsem suam in messem alienam ingerere se presumat vobis domino Petro de Angusta archidiacono Lugdunensi et dicto capitulo communiter et divisim vice et nomine predicti domini episcopi offerro et presento coram vobis magistro Johanne de Parisius magistro Humberto de Chargeyo Bernardo Parentis Matheo Anglici auctoritate sacrosancte romane ecclesie publicis notariis quod prefatus dominus episcopus Eduensis paratus est stare judicio et cognitioni sanctissimi patris et domini domini Martini digna Dei providentia summi pontificis aut reverendi in Christo patris domini Johannis tituli Sancte Cecilie presbiteri cardinalis in Francia nunc agentis aut domini Benedicti tituli Sancti Nicholay in Carcere Tulliano diaconi cardinalis aut venerabilium dominorum et patrum in Christo Matisconensis et Cabilonensis episcoporum et suffraganeorum ecclesie Lugdunensis aut alterius eorumdem cum dominis abbatibus Cluniacensi Cisterciensi et Sancti Martini Eduensis vel alterius eorumdem abbatum cum altero de episcopis supradictis aut reverendi in Christo patris predicti Matisconensis episcopi et domini Hugonis de Turre senescalci Lugdunensis aut duorum canonicorum ecclesie nostre Lugdunensis residentium et existentium in ecclesia supradicta quos dictus dominus episcopus duxerit nominandos super administratione predicta ita tamen quod dicti duo canonici qui a dicto domino episcopo fuerint nominati diem vel dies debeant assignare et assignent apud Matisconem Cluniacum vel Cabilonem vel in alio loco competenti de quo sibi videbitur expedire ad quem et quos pars utraque videlicet dictus episcopus et capitulum Lugdunense aut aliqui de capitulo si partem sibi voluerint assumere contra dominum episcopum memoratum super administratione predicta si voluerint possint habere suos consiliarios sapientes et advocatos ad instructionem negocii memorati qui siquidem duo ad hoc electi et nominati discutiant et cognoscant et sententialiter pronuntient utrum dicta administratio ad dictum dominum episcopum de jure aut de consuetudine debeat pertinere Offerro nichilominus vice et nomine quibus supra dictum dominum episcopum paratum dare et prestare ydoneam cautionem de restituendis quibus aut cui debebit omnibus exitibus proventibus et obventionibus quibuscumque quos et quas percipiet et levabit per se et suos dictus dominus episcopus a tempore quo illi qui fuerint nominati incipient cognoscere utrum dicta administratio ad dictum episcopum debeat pertinere usque ad descisionem negocii memorati si dicti duo nominati aut nominandi decreverint per sententiam dictam administrationem de jure vel de consuetudine nunc ad prefatum dominum episcopum minime pertinere Item offerro et presento me effecturum et procuraturum pro posse meo erga dictum dominum episcopum quod si durante administratione predicta pones dictum dominum episcopum guerra moveatur ut sit inter illustrem virum dominum Robertum ducem Burgundie ex una parte et virum nobilem et potentem dominum de Turre et dalphinum Viennensem ex altera dictus dominus episcopus pro tranquillitate et bono pacis ecclesie Lugdunensis et ipsius ecclesie personarum faciet quod civitas Lugdunensis regetur consilio duorum canonicorum Lugdunensium in ipsa ecclesia Lugdunensi residentium et suspicione carentium quos dictus dominus episcopus nominabit Et cum dictus dominus officialis predictam presentationem incepisset legere supradicti dominus Guido de Buento procurator dicti capituli dominus Guigo de Jareysio cantor dominus Guichardus de Sancto Simphoriano prepositus de Forverio in ecclesia Lugdunensi dominus Jacobus de Corent et plures alii canonici dicte ecclesie Lugdunensis de dicto capitulo recesserunt dictam presentationem minime audientes Actum in dicto capitulo anno die hora indictione ac pontificatu predictis presentibus et ad hoc vocatis testibus et rogatis magistro Hugone de Monte Moreto judice in curia seculari Lugdunensi domino Stephano de Cluniacensi sigillifero curie Lugdunensis Girardo de Pesmis Stephano Darz Nicholao Argondi Girardo de Sancto Leodegario clericis et pluribus aliis ibidem existentibus