Charter Document - 02070069
| Charter Number: | 02070069 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1283 |
| Date type: | Internal, A.D., Feast |
| Resource Link(s): |
|
Charter:
Nos Jacobus Dei gratia Eduensis episcopus gerentes administrationem ecclesie Lugdunensis sede Lugdunensi vacante notum facimus universis quod cum sepe contingat Gaudemarum dominum de Jareys domicellum vassallum et hominem nostrum ligium ratione dicte ecclesie Lugdunensis coram baillivo Matisconensi pro domino rege Francorum et castellano Kari Loci adjornari nos ad advoyandum ipsum Gaudemarum pro homine nostro et petendum nostram curiam de eodem ratione dicte Lugdunensis ecclesie coram ipsis baillivo et castellano procuratores nostros facimus magistrum Petrum de Molinis et Michaelem de Ysiaco clericos exhibitores seu exhibitorem presentium litterarum et quemlibet eorum in solidum ita quod non sit melior conditio occupantis dantes eisdem procuratoribus nostris et eorum alteri plenariam potestatem petendi requirendi suplicandi sentencias judicia et interloqutoria quaslibet audiendi appellandi appellationem prosequendi et omnia alia facienda que nos faceremus si presentes essemus promittentes sub ypotheca bonorum dicte ecclesie Lugdunensis pro ipsis procuratoribus si necesse fuerit judicatum solvi ratum habentes quicquid per ipsos et eorum alterum fuerit procuratum Datum cum appensione sigilli nostri die dominica ante festum beati Nicholai anno Domini MCC octuagesimo tercio