Charter Document - 02070067
| Charter Number: | 02070067 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1283 |
| Date type: | Internal, A.D., Feast |
| Resource Link(s): |
|
Charter:
In nomine Domini amen Anno incarnationis ejusdem MCC octogesimo tertio die lune in octabis festi omnium sanctorum post vesperas finitoque completorio in majori ecclesia Lugdunensi indictione XII pontificatus domini Martini pape quarti anno tertio per presens publicum instrumentum cunctis evidenter appareat quod ipsa die lune hora predicta pulsata campana in dicta Lugdunensi ecclesia prout moris est ad capitulum congregandum et ipso capitulo congregato in loco in quo more solito consuevit congregari presente in eodem capitulo domino Guidone de Boent canonico et procuratore dicti capituli presentibus etiam dominis Petro de Angusta archidiacono Guichardo de Sancto Symphoriano preposito ecclesie Sancti Thome de Forverio in ecclesia Lugdunensi Guillermo de Lygnon custode ecclesie Sancti Stephani Lugdunensis Hugone Bruni Bernardo de Laniaco Guichardo de Balma Ludovico de Marchant Hugone de Barmens Guichardo de Farnay Bonifacio de Angusta Aymone de Cart Guillermo de Serra Valle Petro de Duzan Jacobo de Chandiaco Girardo de Lorgo Guigone de Bees Hugone Marescalci et pluribus aliis canonicis dicte ecclesie Lugdunensis venerabilis pater religiosus vir frater Jocerandus de Laniaco humilis abbas monasterii Athanacensis Lugdunensis ordinis Sancti Benedicti in presentia magistri Johannis de Parisius dicti de Campis clerici sacro sancte romane ecclesie publici auctoritate notarii et testium subscriptorum ad hoc vocatorum et rogaturum presente etiam Johanne Baconerio clerico auctoritate apostolica publico notario ad hoc vocato specialiter et rogato dixit proposuit et protestatus fuit requisivit et quedam alia in scriptis obtulit in hunc modum