Charter Document - 02070064
| Charter Number: | 02070064 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1281 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis nos magister Galterus Forestarii officialis Eduensis pro domino archiepiscopo Lugdunensi sede Eduensi vacante notum facimus quod in nostra presentia propter hoc specialiter constituta Aramburgis filia Perrini de Moreyo uxor Arbelini de Volemer laude et assensu dicti Arbelini eidem uxori sue in hiis que secuntur agendis auctoritatem et mandatum speciale prestantis vendit tradit et quittat Guidoni genero Perrigny de Lucenay clerico ex altera quoddam pratum quod nuncupatur pratum du Buignon pro quatuor libris Viennensium dictis Aramburgi et Arbelino jam solutis et traditis a dicto Guidone in pecunia numerata ut ipsi asserunt coram nobis se tenentes pro pagatis quod pratum movet et est de capite et hereditate dicte Aramburgis et francum est et liberum et nulli obligatum preterquam ad unum denarium censualem ecclesie de Lucenay ut ipsa et Arbelinus ejus maritus asserunt coram nobis de quo prato dicti Aramburgis et Arbelinus ejus maritus se devestientes [] Datum anno Domini millesimo ducentesimo octogesimo primo mense marcio