Charter Document - 02070061
| Charter Number: | 02070061 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1278 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis nos magister Johannes de Borbonio canonicus et officialis Eduensis notum facimus quod in nostra presentia propter hoc personaliter constitutus et specialiter Johannetus de Volemer non coactus nec deceptus sed spontaneus et providus ut ipse asserit coram nobis presente Guioto serviente domini Guidonis de Lucenayo archipresbiteri Corbigniacensis asserens et confitens publice et in jure coram nobis se habere et habere debere jure hereditario medietatem pro indiviso cujusdam ochie site in parrochiatu de Lucenay juxta rivum de Merdoillein ex una parte et viam publicam per quam itur a villa de Huyssaulx ad ecclesiam de Lucenayo ex altera et juxta prata de Bruyl ex alia que ochia vulgariter nuncupatur ochia de rivo de Merdoillein item dimidium bichetum frumenti ad mensuram de Lucenay annui redditus et perpetui in quo Girardus li Jugler et sui tenentur imperpetuum dicto Johanneto et suis ut idem Johannetus asserit super medietatem cujusdam plaustri terre siti inter rivum de Merdoillein ex una parte et domum dicti Girardi Jugler ex altera que premissa partiuntur cum heredibus Clementis quondam fratris dicti Johanneti ut asserit idem Johannetus vendit tradit concedit et quittat idem Johannetus dicto Guioto et suis imperpetuum dictam medietatem ochie predicte et dictum dimidium bichetum frumenti redditualem cum appendiciis et aisanciis dictarum rerum pro quatuordecim libris Viennensium dicto Johanneto a dicto Guioto jam solutis et traditis in pecunia numerata prout dictus Johannetus asserit coram nobis se tenens de dicta pecunia integre pro pagato [] hoc salvo quod dictus Guiotus et sui teneantur imperpetuum solvere Johanni de Braisiers domicello et suis annuatim duos denarios censuales in quibus dicta ochia tenetur annuatim Johanni supradicto ut ipse Johannetus venditor asserit coram nobis abrenuncians [] Datum die veneris post festum beati Mathei apostoli anno Domini millesimo CC septuagesimo octavo mense septembris