Charter Document - 02070056
| Charter Number: | 02070056 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1275 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis nos officialis Eduensis notum facimus quod Guido quondam filius deffuncti Guillermi Castellani quondam fratris Petri de Lucenayo clerici in nostra presentia propter hoc personaliter constitutus presente dicto Petro clerico asserens in jure coram nobis se habere jure hereditario prata sita in parochiatu de Chisseyo sita super molendinum de Roches juxta campum du Vernein videlicet inter terram Bertrandi de Russellis domicelli ex una parte et terram Alexandri Flerici fratris ipsius Guidonis quam excollunt homines Andree de Vaulceris ex alia franca libera et ab omni servitute seu onere servitutis absoluta et nulli homini aut persone seu loco quoquo modo obligata vel obstricta vendit quittat et concedit imperpetuum in jure coram nobis nomine venditionis dicto Petro et suis omnia prata predicta cum appendiciis et pertinenciis earumdem pro viginti libris Viennensium bonorum et legalium nunc currentium ipso Guidoni a dicto Petro integre persolutis in pecunia legitime numerata prout idem Guido coram nobis confitetur et pro jure quod idem Petrus habebat et habere poterat et debebat quocumque titulo causa seu ratione in vineis sitis en Archevau quas dicti Guido et Alexander nunc tenent et possident de qua summa pecunie dictus Guido se tenens pro pagato quittat et absolvit imperpetuum dictum Petrum et suos de eadem Et si dicta bona plus valeant precio predicto illud plus dictus Guido donat dicto Petro donatione irrevocabili inter vivos De quibus bonis dictus Guido se devestiens [] Datum Edue et actum anno Domini millesimo ducentesimo septuagesimo quinto mense octobris