Charter Document - 02070053

In nomine Domini amen Nos magister Aymo de Pesmis officialis curie Lugdunensis pro domino episcopo Eduensi gerente administrationem archiepiscopatus Lugdunensis ipsius sede vacante notum facimus universis presens instrumentum inspecturis quod in nostra presentia constitutis Domongeto de Pasques correario Lugdunensi pro dicto domino episcopo ex una parte et Hugonino de Costa domicello et Johanne Guay cive Lugdunensi ex altera predictus Domongetus nomine predicti domini episcopi tradit vel quasi et concedit predictis Hugonino et Johanni ad bona usagia precio ducentarum librarum Viennensium bannum vini anni presentis mensis augusti proximum venturum quod bannum pertinet ad predictum dominum episcopum ratione administrationis antedicte Promittunt igitur predicti Hugoninus et Johannes antedictas ducentas libras Viennensium quilibet pro rata sub obligatione omnium bonorum suorum necnon per juramentum super sancta Dei evangelia prestitum reddere et solvere predicto domino episcopo vel ejus mandato aut mandato futuri archiepiscopi Lugdunensis si interim venerit in hunc modum videlicet qualibet septimana dicti mensis quinquaginta libras Viennensium videlicet qualibet die pro rata dictarum quinquaginta librarum Viennensium ita tamen quod si ante dictum mensem futurus archiepiscopus venerit quod non teneantur de predictis predicto domino episcopo vel ejus mandato sed ipsi archiepiscopo si eidem archiepiscopo placuerit et ascensatoribus antedictis quod hiidem ascensatores dictam ascensationem tenuerint ad manum suam et si idem archiepiscopus in dicto mense augusti venerit quod non teneantur dicti ascensatores predicto domino episcopo vel ejus mandato nisi pro rata temporis computatis diebus quibus dictum bannum tenuerint De predicta vero pecunia solvenda ut predictum est se constituit fideijussorem ex parte dicti Hugonini Guillermus Dorso Dei civis Lugdunensis de centum libris Viennensium et ex parte dicti Johannis Guay Johannes de Foresio civis Lugdunensis de aliis centum libris monete superius nominate promittentes bona fide ad defectum predictorum Hugonini et Johannis ut predictum est predicto domino episcopo vel ejus mandato quilibet pro rata [] Actum Lugduni anno Domini millesimo CC septuagesimo secundo die sabbati post quindenam beati Johannis Baptiste presentibus magistro Johanne de Fontaneto magistro Guichardo Cellerarii magistro Hugone de Verfay et magistro Guillermo de Curis testibus vocatis et rogatis In cujus rei testimonium nos dictus officialis in cujus presentia acta sunt omnia supradicta presenti instrumento publico facto et signato per manum magistri Bernardi Parentis clerici Lugdunensis auctoritate sacrosancte romane ecclesie publici notarii super predictis sigillum nostrum duximus apponendum Actum [] indictione XV pontificatus domini Gregorii pape decimi anno primo