Charter Document - 02070052
| Charter Number: | 02070052 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Mortgage |
| Date: | 1272 |
| Date type: | Internal, A.D., Feast |
| Resource Link(s): |
|
Charter:
In nomine Domini amen Nos magister Aymo de Pesmis officialis curie Lugdunensis pro domino episcopo Eduensi gerente administrationem archiepiscopatus Lugdunensis ipsius sede vacante notum facimus universis presentes litteras inspecturis quod nos vice et nomine predicti domini episcopi tradimus ad censam viro venerabili Bartholomeo archipresbitero de Sant Drens decimam anni presentis de Sant Drens videlicet in parochiis de Chasno de Sancto Juliano juxta Bisiacum de Vonna de Lopona de Maysiriaco de Curto Fonte et in prioratu de Buella quam decimam cum juribus ipsius tradimus ex causa predicta ipsi archipresbitero et Johanni capellano de Maysiriaco levandam et percipiendam ab ipsis vel eorum mandato precio sexaginta et decem librarum Viennensium quam pecuniam promittunt predicti archipresbiter et capellanus per juramentum suum quilibet in solidum secundum perceptionem fructuum dicte decime reddere et solvere predicto domino episcopo vel ejus mandato ad requisitionem ipsius domini vel mandati predicti scilicet pro rata receptorum super qua receptione crederetur juramento ipsorum ascensatorum sine alia probatione Renunciantes iidem ascensatores [] Datum anno Domini millesimo CCLXX secundo die martis ante festum beati Johannis Baptiste presentibus domino Symone presbitero domino Bernardi de Riva et Jaquinino de Petra Scisa testibus vocatis et rogatis pontificatus domini Gregorii pape decime anno primo indictione XV