Charter Document - 02070043
| Charter Number: | 02070043 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1270 |
| Date type: | Internal, A.D., Feast |
| Resource Link(s): |
|
Charter:
Venerabili in Christo patri Dei gratia episcopo Eduensi gerenti administrationem archiepiscopatus Lugdunensis sede vacante vel ei qui tenet locum ipsius in civitate et diocesi Lugdunensi Matheus miseratione divina ecclesie beati Dyonisii in Francia abbas humilis gerens vices R bone memorie quondam Albanensis episcopi olim in regno Francie apostolice sedis legati in omnibus que contingunt negocium terre sancte salutem et sinceram in Domino caritatem Ex auctoritate domini legati nobis commissa vobis precipiendo mandamus quatenus transcripta testamentorum factorum in civitate et dyocesi Lugdunensi que ut intelleximus ex auctoritate et ordinatione venerabilis patris quondam Lugdunensis electi in certo et tuto loco dyocesis Lugdunensis reposita fuerunt magistro Philipo de Carnoto canonico ecclesie beate Marie de Vernone exhibitori presentium actori reverendi patris S[imoni] tituli Sancte Cecilie cardinalis olim apostolice sedis legati ad Burgondie Sabaudie et Provincie terras misso exhiberi faciatis ut per hoc dictum negocium melcies valeat promoveri Datum Parisius die jovis ante cathedram Sancti Petri anno Domini millesimo ducentesimo septuagesimo