Charter Document - 02070042

Reverendo patri in Christo ac domino Girardo Dei gratia Eduensi episcopo gerenti administrationem archiepiscopatus Lugdunensis ipsius sede vacante fratres humiles et devoti Jacobus prior major Savigniacensis totusque ejusdem loci conventus Lugdunensis dyocesis salutem et reverentiam debitam et devotam Paternitati vestre tenore presentium intimamus quod nos vacante monasterio nostro postulamus unanimiter et concorditer in abbatem monasterii nostri venerabilem et religiosum nostrum Amedeum de Rossilione monachum monasterii Sancti Eugendi Jurensis Lugdunensis dyocesis quare paternitatem vestram humiliter requirimus et rogamus quod aliquam certam diem et propinquam nobis si vobis placeat assignetis qua die compareamus coram vobis per procuratores ydoneos approbationem et acceptationem dicte postulationis per nos prout expedit benigne ac favorabiliter recepturi et ad omnia predicta petenda et optinenda a nobis et ad universa et singula negocium dicte postulationis contingentia et necessaria et specialiter ad petenda et optinenda approbationem et acceptationem dicte postulationis ad vos destinamus venerabiles et religiosos viros fratres in Christo karissimos Thomam priorem Botaville Gaudemarum priorem de Lanay monachos procuratores nostros ydoneos et certos nuncios sub testimonio presentium litterarum ratum et firmum habituri quicquid super dicto negocio per eosdem factum fuerit seu etiam procuratum In quorum omnium testimonium sigillum nostri conventus presentibus litteris duximus apponendum Actum et datum anno Domini MCCLXX die martis post festum beati Luce evangeliste