Charter Document - 02070040

A toz ceaus qui verront cestes presentes lettres je Phelippes de Borbon chevaliers sires de Montporros fais savoir que je tien an fié lige de mon soignor l'avesque d'Ostun les homes que je ai an la ville de Viliers et lor tenemenz soit an bois an prez an terres ou an autres choses laquelle ville estoit obliée à mettre en la lettre que je ai donée au dit mon seignor l'avesque des autres choses que je tien an fié de lui laquelle lettre est seellée de mon seel dou seel mestre Jehan arceprovoire de Borbon et dou seel mestre Pierre arceprovoire de Beaune En tesmoing de la quel chose j'ai donées au dit mon seignor l'avesque cestes lettres seelez de mon seel an l'an de grace mil et IIe et LX et dis le mercredi apres feste saint Jorge ou mois d'avril