Charter Document - 02070027
| Charter Number: | 02070027 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1252 |
| Date type: | Internal, A.D. |
| Resource Link(s): |
|
Charter:
Noverint universi presentes litteras inspecturi quod cum discordia verteretur inter venerabilem patrem Ansellum episcopum Eduensem et Stephanum archidiaconum Flavigniacensem ex una parte et priorem de Grinione ex altera super procuratione que debetur ratione visitationis in prioratu de Grinione ut asserunt episcopus et archidiaconus supradicti tandem de consensu partium ita concordatum est quod dictus episcopus et successores sui singulis annis habebunt quinquaginta solidos Dyvionensium pro procuratione sua et archidiaconus et successores sui viginti quinque solidos quando dictum prioratum de Grinione personaliter visitabunt et hoc propter paupertatem dicti prioratus In cujus rei testimonium sigillum predicti episcopi cum sigillo Johannis abbatis Flavigniacensis presentibus litteris est appositum Actum apud Flavigniacum anno Domini MCC quinquagesimo secundo