Charter Document - 02070023

Nos Guido Dei gratia Eduensis episcopus et nos frater Aymo dictus abbas et totus conventus Fonteneti notum facimus universis presentes litteras inspecturis quod cum inter nos episcopum Eduensem et universitatem totius ville nostre Tuillionis ex una parte et nos abbatem et conventum Fonteneti ex altera discordia verteretur super usagio nemoris inter abbaciam et Tullionem siti et nemoris grangie Jailliaci et nemoris quod dictum est Comme Arambert in quibus nos et homines nostri de Tullione dicebamus usagium nos habere videlicet in pasturis pastionibus et nemorum secatione et super divisione quarumdam terrarum que ad jus et proprietatem ecclesie Fonteneti pertinebant sicut Fontenetenses asserebant ex altera autem parte nos dicti abbas et conventus Fonteneti petebamus in omnibus nemoribus de Tullione usagium videlicet secationes pasture et pastiones et omnes aisiancias nostras in omni finagio Tullionis in bosco et in plano et in aquis et aisanciam in agri cultura absque decimatione et terciarum redditione cum super istis prenominatis hinc inde discordia verteretur tandem communi assensu et utriusque partis voluntate compromisimus in viros venerabiles Anselinum Eduensem et Bertholomeum Sedelocensem decanos et dominum Poncium de Grignione militem qui dictam discordiam terminaverunt in hunc modum videlicet quod omnis usus secationis nemorum pascionis porcorum in nemoribus antedictis et ab invicem petitis ex dicto arbitrorum hinc inde quittati sunt pasture vero in omni finagio Tullionis in bosco et in plano et grangie Jailliaci petrarie et aque ad adaquandum communes erunt de nemore de Comme Arambert dictum fuit quod nos episcopus Eduensis et homines nostri de Tullione nullum usagium secationis pasture et pascionis nullam jurisdictionem et nullam proprietatem in eo habebimus nec aliquid omnino in dicto nemore decetero poterimus reclamare Divisio vero terrarum ita facta fuit a nemore quod Jailliacum Magnum dicitur usque ad Combam Regnauldi versus ulmum Remue sicut mete lapidee per loca posite designant et ab ulmo Remue sicut fundus Combe Ducis versus Commisart in cujus nemoris introitu quedam meta lapidea posita est et a meta illa sursum versus Tullionem usque ad metam illam que est prope stratam veterem in introitu nemoris et exinde per viam que ducit ad molendinum episcopi de meta in metam usque ad locum illum qui dicitur Mola Fabri ab istis locis prenominatis sursum versus abbaciam et versus grangiam Jailliaci si quid juris habebamus infra metas superius nominatas nos Eduensis episcopus et universitas totius ville Tullionis dictis Fontenetensibus ex dicto arbitrorum omnino quittavimus et infra loca prenominata nichil omnino poterimus decetero reclamare preter justiciam quam nobis retinuimus sicut predecessores nostri eam ibi habere consueverunt et pasturas que sicut superius diximus communes erunt nobis et ipsis et excepta brocia nostra de Commissart que infra metas sita est in qua dicti fratres Fonteneti nichil habebunt preter pasturam Nos autem dicti abbas et conventus Fonteneti usagium illud quod habebamus de terris de Tullione colendis et terram de Combis que nostra erat propria domino Eduensi episcopo et hominibus de Tullione quittavimus absolute Piscaturam vero quam in stagno domini episcopi habebamus eidem benigne dimittimus et quittavimus reservato nobis dimidio modio frumenti quod in molendino suo habemus annuatim Insuper ob conservationem pacis in finagio Morville sicut cheminum ducit desuper Comme Arambert usque ad fundum Combe que vocatur Prehaon animalibus eorum concessimus pasturari Si vero contigerit quod animalia vel pecora tam nostra quam domini episcopi vel hominum suorum in pratis vel bladis dampnum ad invicem intulerint restituetur tantummodo capitale Hoc autem totum quod superius nominatum est et expressum de laude assensu et voluntate totius Eduensis capituli et universitatis hominum totius ville Tullionis factum fuit et concessum Et nos Galterus Eduensis episcopus et nos frater Haymo dictus abbas et conventus Fonteneti hoc totum laudavimus et confirmavimus In cujus rei testimonium ad majorem rei facte evidentiam et ampliorem presentis carte firmitatem nos Galterus Eduensis episcopus et capitulum nostrum Eduense et nos frater Aymo dictus abbas et conventus Fonteneti sigilla nostra presenti carte duximus apponenda Actum est hoc anno Domini millesimo ducentesimo vicesimo nono