Charter Document - 02070014
| Charter Number: | 02070014 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1186 - 1188 |
| Date type: | Assigned |
| Resource Link(s): |
|
Charter:
Venerabilibus et karissimis fratribus Stephano Dei gratia Eduensi episcopo et Raynaldo Matisconensi electo Henricus eadem gratia Albanensis episcopus salutem et pacem Cum S monachus de Benedictione Dei et magister B nuncii vestri litteras vestras super controversia que inter vos de prepositura et abbatia seu aliis reditibus quos vos frater electe ab episcopo et ecclesia Eduensi possidetis vertitur domino pape presentassent nos eandem causam de mandato ipsius pape atque utriusque nuncii assensu recepimus audiendam et arbitrio terminandam Partibus itaque in nostram presenciam constitutis cum earum allegationes hinc inde plenius audissemus intelligentes quod magister B maxime inniteretur illi dispensationi quam de predictarum administrationum reditibus ad triennium retinendis circa vos frater electe dominus papa fecisse dinoscitur de facto domini pape sine ipsius consciencia et jussu minime duximus arbitrandum Referentes igitur domino pape que a nunciis vestris hinc inde proposita fuerint placuit ei et mandatum ejus fuit ut sicut in subsequentibus continetur inter vos arbitraremur Nos siquidem voluntatem et mandatum ejus sicut debuimus prosequentes sic arbitrati sumus scilicet quod in obtione vestra sit et voluntate frater Eduensis vel ut presentis anni quod a tempore confirmate Matisconensis electionis incepit et proximi tamen sequentis anni fructus et redditus predictarum administracionum quas a vobis et Eduensi ecclesia obtinuit Matisconensis electus sicut consuevit percipiat vel cum eo de congrua estimacione peccunie sibi pro eisdem reditibus solvenda taliter conveniatis quod in quantum ad emolumentum perceptionis earumdem fructuum spectaverit merito debeat esse contentus De mandato etiam domini pape jussimus quod vos frater electe ab hiis que ad ordinationem Eduensis ecclesie spectare dinoscuntur penitus abstineatis et circa ea que ad ipsam ecclesiam pertinent vobis nullam omnino vocem assumatis quia ex quo vestra electio confirmata fuit cum eadem ecclesia de jure canonum nichil commune habuistis