Charter Document - 02070009
| Charter Number: | 02070009 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1170 |
| Date type: | Assigned |
| Resource Link(s): |
|
Charter:
[Alexander episcopus servus servorum Dei venerabili fratri Stephano] Eduensi episcopo [salutem et apostolicam benedictionem] Quanto artius personam tuam sicuti venerabilis fratris nostri diligimus tanto te sollicicius ab his volumus revocare que honestati tue aliquatenus obvient aut cupiditati tue possint ab aliquibus imputari Cum vir litteratus sis providus et discretus litteratura et prudentia te non sinit aliquatenus ignorare quod indecens sit et a sanctorum patrum institutionibus alienum ut ecclesiam tibi debeas vendicare a qua esse nosceris ad fastigium pontificalis dignitatis assumptus Inde est quod frater tibi monemus et consulimus et hortamur quod canonicis Sancti Potentiani de Castro Censorii auctoritatem tuam nequaquam apponas quominus electionem eorum canonice factam ratam habeas et confirmes non objiciendo quod eidem ecclesie nondum renuntiaveris cum ab illa speciali prelatione tua ex eo fuerit liberata quod ad episcopatum assumptus fuisti nec opponendo quod canonici in te post ea convenissent cum indecorum sit et penitus inhonestum ut in abbatem episcopus eligatur