Charter Document - 02061151
| Charter Number: | 02061151 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1291 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Hugo miseratione divina episcopus Eduensis religiosis viris abbati et conventui Sancte Margarete ordinis Sancti Augustini salutem in Domino salvatore Dignum est et consentaneum rationi ut illis pietate provideamus paterna qui abnegantes semetipsos se Domino totaliter deputarunt et eis faciamus gratiam specialem pro eorum oneribus portandis Cum igitur vestra ecclesia nostre dyocesis sicut pro certo didicimus onerata sit gravi sarcina debitorum et innumerata transeuntium multitudine sit gravata nec ad solutionem et supportationem predictorum vestre proprie suppetant facultates ad supportationem oneris supradicti ut ecclesiam parochialem de Balenou prope Poilleyum in Auxeyo cum suis pertinentiis in qua jus patronatus habetis quamprimum ad id obtulerit se facultas in proprios usus convertere et imperpetuum habere pleno jure liceat vobis auctoritate presentium plenam et liberam concedimus potestatem facientes in ipsa per aliquem seu aliquos de vestris canonicis sufficientes et ydoneos deserviri et ne nos vel successores nostros propter hoc requiri oporteat concedimus vobis quod postquam ad id obtulerit se facultas possessionem ipsius ecclesie de Balenou et pertinentiarum auctoritate propria adipisci possitis salvo jure per omnia ecclesie nostre et sedis episcopalis et nostri capituli Eduensis salva preterea dicto capitulo Eduensi censa quam in dicta ecclesia consuevit percipere ab antiquo salvis etiam nobis et successoribus nostris episcopis Eduensibus archidiacono Flavigniacensi et archipresbitero de Poilleyo in dicta ecclesia de Balenou visitatione correctione seu reformatione et jure quod in bonis curatorum seculariorum ab intestato vel ex testamento decedentium nobis et successoribus nostris ac dictis archidiacono et archipresbitero posset competere et competere consuevit cum omnibus et singulis aliis juribus consuetudinibus vel usibus nobis episcopo et predictis archidiacono et archipresbitero dyocesana vel ordinaria seu consuetudinaria lege debitis quoquomodo In cujus rei testimonium vobis presentes litteras tradidimus sigilli nostri munimine roboratas Datum anno Domini MCC nonagesimo primo mense februarii