Charter Document - 02060216
| Charter Number: | 02060216 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1281 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p.152) |
Charter:
Nos Aymarus divina miseratione prime Lugdunensis ecclesie archiepiscopus notum facimus universis presentes litteras inspecturis quod cum fama publica referente et effecti per plurimorum litteras cerciores ad nos pervenerit quod bone memorie Gerardus quondam episcopus Eduensis karissimus consanguineus noster viam universe carnis ingressus et ideo attendentes quod Lugdunensis archiepiscopus a temporibus quibus non extat memoria sede Eduensi vacante locum tenet episcopi Eduensis volentes juxta predictam approbatam consuetudinem Lugdunensis ecclesie jura tueri ut ad nos pertinet ab antiquo facimus constituimus et ordinamus dilectos et fideles nostros magistrum Galterum de Edua canonicum Matisconensem magistrum N de Cluniaco et Petrum Flota correarium Lugdunensem exhibitores presentium et quemlibet ipsorum in solidum ita quod non sit melior conditio occupantis nostros certos et speciales nuncios et procuratores ad petendum requirendum recipiendum et apprehendendum et pro nobis et nomine nostro tenendum possessionem omnium bonorum quondam episcopi antedicti et omnium jurium ad episcopatum Eduensem pertinentium quecumque sint et qualiacumque et quocunque nomine censeantur et ubicumque seu quocunque loco existentium cujusque juris modi et conditionis sint volentes et mandantes ut predicti procuratores nostri et quilibet per se predicta bona et jura et possessionem ipsorum possint et debeant apprehendere et jurisdictionem omnimodam exercere omnes simul vel unus sine altero secundum quod eis visum fuerit utilius expedire dantes eisdem et cuilibet ipsorum in solidum plenam et liberam potestatem circa predicta et quodlibet predictorum faciendi quicquid nos in propria persona possemus facere si presentes essemus promittentes bona fide et sub obligacione omnium bonorum nostre ecclesie nichilominus nos firmum et ratum habere quicquid per predictos vel alterum ipsorum actum fuerit in predictis seu etiam procuratum In cujus rei testimonium presentibus litteris sigillum nostrum duximus apponendum Datum Matisconi die martis post festum beati Nicholai hyemalis anno Domini MCCLXXX primo