Charter Document - 02060213

Nos Jacobus Dei gratia episcopus Eduensis gerens administrationem archiepiscopatus Lugdunensis ipsius sede vacante et nos decanus et capitulum prime Lugdunensis ecclesie notum facimus universis presentes litteras inspecturis quod cum discordia verteretur inter nos dictum episcopum ex una parte et nos dictos decanum et capitulum ex altera super eo quod nos predicti decanus et capitulum dicebamus et asserebamus quod ab illa die qua dominus Durgellus Lugdunensis canonicus et precentor fuit electus in archiepiscopum Lugdunensem per nos capitulum memoratum administratio archiepiscopatus Lugdunensis in spiritualibus et temporalibus non ad dictum dominum episcopum pertinebat nec pertinere debebat nobis dicto episcopo ex adverso dicentibus et proponentibus quod quando electio de dicto domino Durgello facta fuit ante ipsam electionem et post contra dictam electionem et dictum dominum Durgellum per quosdam canonicos dicti capituli extitit appellatum et antequam dictus dominus Durgellus consensisset electioni de se facte Quare nos dictus episcopus dicebamus et dicimus dictam administrationem archiepiscopatus predicti ad nos de jure vel de consuetudine pertinere debere Tandem inter nos dictum episcopum et nos dictos decanum et capitulum extitit amicabiliter concordatum et in pactum deductum hoc modo videlicet quod nos tam dictus episcopus quam nos predicti decanus et capitulum debemus et promittimus in forma et processu dicte electionis et quando et qualiter et quibus verbis et per quos extitit contra dictam electionem et electum ad sedem apostolicam appellatum convenire et unanimiter concordare et formam et totum processum dicte electionis et appellationem seu appellationes interpositum aut interpositas contra ipsam electionem et electum aut electum tantum et earumdem appellationum modum et formam expensis communibus et sub manu publica ad romanam curiam destinare et instare fideliter cum omni effectu apud summum pontificem ut inspectis et consideratis forma et processu electionis predicte et appellatione seu appellationibus que dictam electionem precessit et precesserunt et que secuta fuit vel secute fuerunt et auditis omnibus aliis rationibus nostris per summum pontificem decernatur utrum ad nos dictum episcopum a tempore predicte electionis citra dicta administratio de jure vel de consuetudine debuit pertinere sane si summus pontifex decreverit nos dictum episcopum a dicto tempore jus non habuisse nec habere in administratione predicta de jure vel de consuetudine nos dictus episcopus volumus et consentimus expresse quod omnes officiales nostri et administratores quicumque positi instituti et ponendi et instituendi per nos vel pro nobis qualitercumque in archiepiscopatu predicto reputentur et intelligantur positi et instituti nomine illorum aut illius ad quem vel ad quos decernetur per dictum summum pontificem dictam administrationem pertinere seu pertinuisse de jure et quod omnia et singula que tam nos dictus episcopus quod prenominati officiales et administratores fecerimus et gesserimus in spiritualibus et temporalibus a tempore electionis predicte et faciemus in antea reputentur et intelligantur facta et gesta nomine illorum aut illius qui jus habuerint aut habuerit in administratione predicta de jure vel de consuetudine et si summus pontifex decreverit nos dictum episcopum in administratione predicta minime jus habuisse vel habere de jure vel de consuetudine nos dictus episcopus promittimus omnes fructus redditus proventus obventiones et exitus perceptos et percipiendos per nos et administratores predictos de archiepiscopatu predicto a die electionis citra usque ad id tempus quod summus pontifex decreverit quod absit nos in administratione predicta nullum jus habuisse vel habere de jure vel de consuetudine si tanto tempore hac vice tenuerimus administrationem predictam reddere et restituere illis aut illi ad quos vel ad quem dominus papa decreverit dictam administrationem a tempore electionis predicte pertinuisse de jure vel de consuetudine deductis et retentis nobis dicto episcopo expensis et missionibus utilibus et necessariis factis et faciendis per nos et officiales et administratores predictos constitutos et constituendos per nos in archiepiscopatu predicto et in custodia et deffensione civitatis Lugdunensis et castrorum et domorum pertinentium ad archiepiscopatum antedictum et in negociis ipsum archiepiscopatum tangentibus fideliter procuratis et procurandis in quo casu faciemus officiales et administratores nostros universos et singulos quos habuimus et habemus in archiepiscopatu predicto computare fideliter per juramentum prestandum ab eisdem de omnibus proventibus exitibus et reditibus perceptis et percipiendis et de omnibus missionibus sumptibus et expensis factis et faciendis si predicti administratores tunc in rebus humanis existant et si commode ipsi vel eorum procuratores possint haberi et habita computatione legittima omnium receptorum expensarum et missionum per nos dictum episcopum officiales et administratores nostros et factis deductionibus et detractionibus de missionibus et expensis ad recepta si appareat et inventum fuerit quod recepta et percepta de fructibus proventibus et exitibus archiepiscopatus predicti plus ascendant quam missiones et expense illud totum in quo recepta et percepta excedant missiones et expense tenemur nos dictus episcopus reddere solvere et restituere illis aut illi ad quos aut ad quem dominus papa decreverit administrationem pertinuisse de jure vel de consuetudine a tempore electionis memorate Hec igitur universa et singula supradicta tam nos dictus episcopus quam nos dicti decanus et capitulum promisimus bona fide et in verbo veritatis nos predictus episcopus dictis decano et capitulo et nos dicti decanus et capitulum dicto domino episcopo similiter attendere fideliter et complere et quod nos predicti episcopus decanus et capitulum per nos vel per alium facto vel verbo in judicio vel extra judicium aperte vel occulte contra predicta vel aliqua de predictis non faciemus nec veniemus nec consentiemus alicui volenti contraire et quod nullum impedimentum apponemus nec apponi faciemus nec procurabimus apponi nec aliquid dicemus seu faciemus per quod dominus papa negocium hujusmodi non perducat ad effectum et quod non decernat super predictis de jure de plano et sine strepitu judicii omnibus rationibus hinc et inde auditis ut supradictum est prout ei videbitur decernandum In quorum omnium testimonium nos dictus episcopus sigillum nostrum et nos decanus et capitulum sigillum nostrum dicti capituli presentibus litteris duximus apponendum ad majoris vinculum firmitatis Datum anno Domini MCC octuagesimo quarto mense maii