Charter Document - 02060211

Universis presentes litteras inspecturis Radulphus miseratione divina prime Lugdunensis ecclesie archiepiscopus Hugo ejusdem miseratione episcopus Eduensis Lugdunensis et Eduensis ecclesiarum decani et capitula salutem in filio Virginis gloriose Inter opera caritatis illa precipue considerari debent per que omnis fraudis deceptionisque materia evitatur et sancte matris ecclesie sit evidens utilitas ministrisque et servitoribus ejusdem multimodis subvenit Igitur cum archiepiscopus Lugdunensis gerat administrationem episcopatus Eduensis ipsius sede vacante et versa vice episcopus Eduensis gerat administrationem archiepiscopatus Lugdunensis vacante sede ipsius nos pro communi utilitate et evidenti commodo utriusque ecclesie necnon et ministrorum earumdem super dictis administrationibus diligenti deliberatione inter nos habita ordinavimus in hunc modum primo quod sede Eduensi vacante archiepiscopus Lugdunensis qui pro tempore fuerit habeat administrationem in temporalibus et spiritualibus civitatis et dyocesis Eduensis et econverso sede Lugdunensi vacante episcopus Eduensis qui pro tempore fuerit habeat administrationem in temporalibus et spiritualibus civitatis et dyocesis Lugdunensis quia hactenus ita de longa et approbata consuetudine extitit observatum salvo jure capitulorum et canonicorum aliorum qui habent jurisdictionem in civitate et dyocesi supradictis Actum etiam est inter nos quod sigilla curie archiepiscopatus vel episcopatus qui vacaverit castraque et fortalicia nec non et domus civitatis et dyocesis predictorum ad carum sedem pertinentes archiepiscopo vel episcopo viam universe carnis ingresso incotinenti et sine difficultate tradantur reddantur et deliberentur archiepiscopo vel episcopo ecclesie non vacantis vel ejus mandato secundum quod hactenus extitit consuetum Ceterum de bonis mobilibus archiepiscopi et episcopi decedentium inter nos extitit ordinatum quod si archiepiscopus vel episcopus moriantur testati eorum ordinatio servabitur de bonis predictis et sua ultima voluntas adimplebitur de eisdem et per manus executorum deputatorum ad hoc distribuantur secundum quod testator archiepiscopus vel episcopus in testamento suo seu ultima voluntate sua duxerit ordinandum et hoc casu blada et vina a solo separata licet in horreo vel soliis reposita non fuerint mobilia censebuntur et cedant in utilitatem prelati mortui et de dictis bonis inventarium faciant dicti executores et de eosdem reddent capitulo rationem Si vero archiepiscopus vel episcopus intestatus decedat tunc de dictis bonis mobilibus procuratores ad hoc per capitulum ecclesie vacantis deputandi facient restitutiones que fuerint faciende et solvent debita ipsius defuncti si quid vero de dictis bonis residui fuerit de dicto residuo facient solutiones et satisfactiones familiaribus ejusdem et residuum conservent futuro pontifici et de dictis bonis inventarium facient et reddent dicti procuratores de predictis bonis in capitulo rationem retentis tamen de dictis bonis expensis competentibus Si quis autem dictorum procuratorum a capitulo ecclesie vacantis deputandorum aliquid fecerit in prejudicium predictorum per substractionem beneficiorum suorum a capitulo ecclesie vacantis satisfacere compellatur Actum est etiam inter nos quod si dictarum ecclesiarum archiepiscopus vel episcopus intestatus decedat qui ipsum pontificali dignitate honoravit ornamenta remanebunt que sequuntur alba cum amictu stola cum manipulo tunica cum dalmatica insula cum capa meliori que in capella archiepiscopi vel episcopi defuncti poterint inveniri Si illi archiepiscopus vel episcopus predicti contra predicta aliquid attemptaverit vel executores predictos seu bonorum distributores quoquomodo impederit aut contra tenorem presentium aliquid fecerit post trinam monitionem ab ipsis executoribus seu bonorum distributoribus predictis sibi factam non restituerit et predicta observaverit excommunicatus sit ipso facto Ceterum actum est inter nos quod utensilia domorum coquinarum archiepiscopatus et episcopatus predictorum sede vacante reservabuntur futuro pontifici et archiepiscopus seu episcopus qui dictam sedem tenebit inde faciet inventarium quod custodietur a capitulo ipsius ecclesie vacantis ita quod cum prelatus fuerit in ipsa ecclesia constitutus dicta utensilia secundum inventarium valeat retrahere Porro actum est inter nos quod archiepiscopus vel episcopus qui pro tempore fuerit durantibus dictis administrationibus jura archiepiscopatus vel episcopatus pro posse deffendat domos et tecta in bono statu tenebit terras et vineas excoli faciet et omnia alia que fuerint facienda fructus autem receptos durante administratione suos faciet et illos quos a solo levaverit sine fraude nemora vendere non poterit nisi esset silva nec pisces stagnorum capere vendere seu alibi transferre nisi solum pro hospicio suo ad usum ipsius et familie sue et si mortuo archiepiscopo vel episcopo aliquid stagnum esset quod piscatum non fuisset per triennium pisces illius stagni archiepiscopus vel episcopus possit vendere in fine triennii vel clauso triennio si de sua processit voluntate Actum etiam est inter nos quod si casu fortuito sedes Lugdunensis et Eduensis insimul uno concursu vacarent quod absit dictis sedibus vacantibus procuratores ad hoc per capitula deputandi recipient et levabunt fructus et fideliter conservabunt ad reddendum et deliberandum proximo futuro archiepiscopo Lugdunensi vel proximo futuro episcopo Eduensi retentis sibi tamen expensis competentibus Et si dicti procuratores restitutionem dictorum fructuum archiepiscopo vel episcopo ecclesie non vacantis vel ejus mandato distulerint faciendam ad id compellantur per ecclesie vacantis capitulum de quibus fructibus seu bonis inventarium facient et facere tenebuntur Insuper autem actum est inter nos quod in creatione unius cujusque canonici cum in dictis ecclesiis primo creatus fuerit hujusmodi ordinationem juret se inviolabiliter servaturum Nos autem archiepiscopus episcopus decani et capitula supradicta dictam ordinationem quam utrisque ecclesiis Lugdunensis et Eduensis esse credimus fructuosam pro nobis et successoribus nostris bona fide promittimus observare nec contravenire tacite vel expresse et eam pro posse nostro procurabimus per sedem apostolicam confirmari In quorum omnium testimonium nos Radulphus archiepiscopus Lugdunensis et nos Hugo episcopus Eduensis predicti sigilla nostra et nos dictarum ecclesiarum decani et capitula sigilla capitulorum nostrorum presentibus litteris duximus apponenda Datum et actum mense marcio anno Domini MCC octogesimo sexto