Charter Document - 02060206
| Charter Number: | 02060206 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Dispute |
| Date: | 1269 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p.144) |
Charter:
In nomine Domini amen Nos Boso de Longiis Petrus Arondi Guillermus de Mays et Gerardus de Loigo canonici ecclesie Sancti Justi Lugdunensis notum facimus universis presens instrumentum inspecturis quod anno Domini MCC sexagesimo nono die mercurii post dominicam qua cantatur misericordia Domini pro nobis et aliis concanonicis nostris capituli ecclesie Sancti Justi predicti coram venerabili in Christo patre Gerardo Dei gratia episcopo Eduensi gerente administrationem archiepiscopatus Lugdunensis ipsius sede vacante presentibus Guillermo de Anziaco Stephano Albi Johanne de Foresio Andrea de Albone Petro de Varie Guillermo Bonivardi Guillermo Albi et pluribus aliis civibus Lugdunensibus comparuimus et eidem domino episcopo tanquam patri et domino nostro in temporalibus et spiritualibus presentavimus quod parati eramus stare juri coram ipso tanquam coram ordinario nostro ratione dicte administrationis de omnibus querelis quas movebant seu movere intendebant contra nos et alios concanonicos nostros Sancti Justi cives Lugdunenses et maxime de clavibus portarum de Triouz et Sancti Hyrenei quas petebant dicti cives predicti tanquam suas et etiam de lapidibus de quibus dicebant dicti cives fuisse muros seu clausuras Sancti Justi constructos seu constructas quas lapides dicti cives dicebant esse de muris civitatis Lugdunensis In cujus rei testimonium presenti instrumento facto et signato de mandato nostro per manum magistri Bernardi Parentis publici notarii sigillum dicti capituli nos predicti Boso Petrus Guillermus et Gerardus aliis concanonicis nostris consentientibus duximus apponendum Actum anno et die predictis