Charter Document - 02060195
| Charter Number: | 02060195 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1268 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p.128) |
Charter:
Nos Guillermus archiepiscopus Bysuntinensis notum facimus universis presentes litteras inspecturis quod in nostra presentia propter hoc constituta nobilis mulier Margareta uxor Stephani filii nobilis viri Hugonis domini de Neblans non coacta non circumventa sed libera et spontanea voluntate laude et assensu Stephani predicti mariti sui recognovit se tenere et accepisse in feodum legium cum predicto Stephano marito suo a venerabili patre Girardo Dei gratia Eduensi episcopo nomine episcopatus Eduensis medietatem castri Glane et tocius castellanie ejusdem castri cum omnibus feodis possessionibus reditibus justicia dominio juribus et rebus aliis quibuscumque ad dictam medietatem dicti castri spectantibus salvo tamen super hoc jure alieno Quam medietatem dicti castri cum omnibus supradictis dicta Margareta cum predicto marito suo recognoverunt existere de hereditate ipsius Margarete juramento corporali prestito Promittentes [] In cujus rei [] Anno Domini MCC sexagesimo octavo mense mayo