Charter Document - 02060194
| Charter Number: | 02060194 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1284 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p.126) |
Charter:
Universis presentes litteras inspecturis nos magister Bartholomeus officialis archidiaconi Eduensis et archipresbiter de Kadrellis notum facimus quod in nostra presentia propter hoc specialiter constituta Agnes filia quondam Guillermi Archerii de Vallibus pro se et suis laude assensu mandato et voluntate Symonis dicti de Vallibus mariti sui interveniente coram nobis publice et in jure confitetur se tenere pacifice et quiete ea que secuntur ab omni feodo libera et immunia videlicet mansum Galteri de Chaume mansum Johannis Folin mansum Perraudi Folin mansum Martini Boute Arrieres quinque cartelletas terre sitas in Tillia desuper chemino de Chetrin in campo de Monte Enverso quatuordecim bichetas in terra de Montapi quatuor bichetas et medietatem cujusdam peye molendini in terra sita in nemore de Chaume octo bichetas in terra dou Bochet quinque bichetas in monte Escorchie tres bichetas an la Coudroie sex bichetas an Preerat unam bichetam in terra des Quarruges tres bichetas in campo Rouzou novem bichetas in ochiis apud Choona sex bichetas apud Neronde unam bichetam apud Chaume duas bichetas in prato dicto prato Gaste et in prato de Bosco tres quadrigatas feni in prato de Chavali tres quadrigatas feni in prato de Molendino duas quadrigatas feni in prato dicto Molent es Folins tres quadrigatas feni que omnia et singula prout sunt superius expressa et divisa accipit dicta Agnes pro se et suis laude assensu mandato et voluntate dicti Symonis mariti sui intervenientis in feodum a reverendo in Christo patre Jacobo Dei gratia Eduensi episcopo et tenere promittit dicta Agnes pro se et suis imperpetuum premissa omnia et singula in feodum a dicto domino episcopo Eduensi et suis successoribus qui erunt pro tempore episcopi Eduenses secundum consuetudinem bonorum et fide dignorum fideliter approbatam promittens prenominati conjuges pro se et suis per juramenta sua super sancta Dei evangelia coram nobis propter hoc corporaliter prestita [] In cujus rei geste memoriam et testimonium ad preces et requisitionem dictorum conjugum presentibus litteris sigillum curie dicti domini archidiaconi Eduensis una cum sigillo archipresbiteratus nostri de Kadrellis duximus apponendum Datum et actum anno Domini MCC octogesimo quarto mense martio