Charter Document - 02060193
| Charter Number: | 02060193 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1284 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p125) |
Charter:
Omnibus presentes litteras inspecturis nos magister Bartholomeus officialis curie domini archidiaconi Eduensis et archipresbiter de Kadrellis notum facimus quod in nostra propter hoc presentia specialiter constituti Guillermus et Johannes fratres filii quondam Guillermi Archerii de Vallibus publice et in jure confitentur et recognoscunt pro se et suis tenere libera et immunia ab omni feudo ea que secuntur videlicet domum suam de Vallibus cum appenditiis et pertinentiis ipsius ante et retro item ochiam de molendino item ochiam de domo veteri item octo quadrigatas feni sitas in pratis de Brolio de Guta Valet et dou Varneaul prata de Praigni campum dou Varneaul campum de Praigni campum de Campo Patou campum de Guta Valet peciam desuper domo Andree de Fonte peciam de Vado Bernardi peciam de Petra Longa nemus dou Chatelet quartam partem nemoris siti inter domum dou Chatelet ex una parte et domum de Barnaut ex altera item peciam terre sitam juxta la prée dou Pont Charraul item aliam peciam sitam inter dictam la prée et lou Varneaul que omnia et singula prout superius sunt expressa accipiunt dicti fratres pro se et suis in feudum a reverendo in Christo domino Jacobo Dei gratia episcopo Eduensi et tenere promittunt dicti fratres pro se et suis omnia et singula superius nominata in feudum imperpetuum a dicto domino Jacobo episcopo Eduensi et suis successoribus episcopis Eduensibus qui erunt pro tempore secundum consuetudinem bonorum et fide signorum fideliter approbatam Promittentes prenominati fratres pro se et suis per juramenta sua super sancta Dei evangelia coram nobis propter hoc corporaliter prestita contra premissa decetero non venire [] In cujus rei geste memoriam et testimonium ad petitionem dictorum fratrum presentibus litteris sigillum curie dicti domini archidiaconi Eduensis una cum sigillo archipresbiteratus nostri de Kadrellis duximus apponendum Datum et actum anno Domini MCC octogesimo quarto mense martio