Charter Document - 02060192
| Charter Number: | 02060192 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1290 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p125) |
Charter:
In nomine Domini amen Anno incarnationis ejusdem MCC nonagesimo mense octobri ego Hugo de Gouz miles notum facio omnibus presentes litteras inspecturis et firmiter confiteor et assero per juramentum meum corporaliter super sancta Dei evangelia prestitum me tenere in feodum a reverendo in Christo patre ac domino Hugone Dei gratia episcopo Eduensi mansum Guioneti de Vaudelin cum pertinentiis dicti mansi ac etiam omnia et singula que habeo in parrochia de Yssiaco in bonis omnibus quibuscumque item confiteor et assero me debere dicto domino episcopo sex libras Turonensium bonorum et legalium quas ab ipso ex causa legittimi mutui recepi et habui in pecunia numerata et de quibus me teneo pro pagato de sua pura sorte et pro dicta pecunie summa obligo et pono in manu dicti episcopi predictum mansum cum pertinentiis dicti mansi et de predicto manso ac ejus pertinentiis predictis dictum dominum episcopum investio volens et concedens quod ipsum mansum cum ejus pertinentiis predictis teneat dictus dominus episcopus tanquam res feodales sine acquitatione quousque de sex libris Turonensium predictis sit ei vel ejus mandato plenarie satisfactum quotienscumque ego vel mei dictas sex libras Turonensium dicto domino episcopo vel suis successoribus aut mandato solverimus dictus mansus cum suis pertinentiis salvo feodo dicti mansi ad me et meos heredes pacifice et sine contradictione aliqua revertetur Promittens per juramentum meum [] Actum in presentia domini Hugonis decani Sancti Nicholai de Arcyaco notarii de Borbonio Guillermi de Monteigni clerici et domini Mathei de Bosco militis testium ad hoc vocatorum anno et mense predictis