Charter Document - 02060191
| Charter Number: | 02060191 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1284 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p.125) |
Charter:
Universis presentes litteras inspecturis nos magister Bartholomeus officialis magistri Nicholai archidiaconi Eduensis et archipresbiter de Kadrellis notum facimus quod in nostra presencia propter hoc personaliter constituti dominus Hugo dictus Bussiliez miles et Henricus ejus filius non coacti non decepti recognoscunt et confitentur in jure coram nobis se tenere et debere tenere a reverendo in Christo patre Jacobo Dei gratia Eduensi episcopo et ab episcopis Eduensibus qui fuerint pro tempore in feodo mansum et heredes dicti Guehimini de Vaudelin in parrochia de Yssiaco promittuntque coram nobis ante dicti dominus Hugo et Henricus pro se et suis dictum feodum ad usus et consuetudinem patrie fideliter tenere et integre custodire et quo ad hoc cohercioni et juridictioni curie archidiaconi Eduensis totaliter se supponunt ad quemcumque locum se transferrant maneant vel existant sine reclamatione et revocatione alterius curie sive fori In cujus rei [] Datum anno Domini MCC octuagesimo quarto mense decembri