Charter Document - 02060190
| Charter Number: | 02060190 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1275 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p.124) |
Charter:
Universis presentes litteras inspecturis nos frater Petrus humilis prior de Parreceyo et magister Bartholomeus officialis curie archidiaconi Eduensis notum facimus quod in nostra propter hoc presentia specialiter constituti dominus Hugo dictus Busiliez miles et Petronilla ejusdem uxor recognoscunt publice et ex certa scientia coram nobis se cepisse in feudum et tenere a reverendo patre nostro Girardo Dei gratia Eduensi episcopo mansum et heredes dicti Guehimini de Vaudelino cum appenditiis et pertinentiis dicti mansi pro septem libris Viennensium de quibus recognoscunt coram nobis recepisse et habuisse totaliter gratum suum de qua summa pecunie dicti miles et ejus uxor se tenentes pro pagatis promittunt per juramenta sua super hoc corporaliter prestita [] In cujus rei testimonium ad preces et requisitionem dictorum militis et ejus uxoris sigilla nostra presentibus litteris duximus apponenda Datum anno Domini MCC septuagesimo quinto mense septembri