Charter Document - 02060189
| Charter Number: | 02060189 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1284 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p.123) |
Charter:
Universis presentes litteras inspecturis nos magister Bartholomeus officialis curie domini Nicholai archidiaconi Eduensis et archipresbiter de Kadrellis notum facimus quod in nostra presencia propter hoc specialiter constituti dominus Johannes Li Orgeux miles et domina Beatrix ejus uxor coram nobis vendunt quittant et deliberant titulo pure et perfecte venditionis imperpetuum reverendo in Christo patri domino Jacobo Dei gratia episcopo Eduensi et successoribus suis episcopis Eduensibus quartam partem cujusdam molendini et batatorii qui molendinus et batatorius siti sunt in chacia stagni de Mont Vesor et terciam partem quarte partis piscium stagni predicti et quicquid juris habent habere possunt et debent in dictis molendino batatorio stagno et chacia cum appendiciis et pertinenciis eorumdem precio quindecim librarum Turonensium jam solutarum dictis conjugibus venditoribus a domino episcopo predicto Eduensi in bona pecunia legittime numerata prout hiidem conjuges in jure confessi sunt coram nobis Promiserunt dictique conjuges quod cum dicta chacia sit destructa et derupta impetu et inundatione aquarum se ad expensas et sumptus contribuere et solvere quos dictus episcopus faciet et prestabit pro rata qualibet aliorum parcionariorum contingente si dicti stagni parcionarii nollent contribuere et solvere pro rata et partibus ipsos et quemlibet ipsorum contingentibus vel si forte deficerent in premissis seu aliquo premissorum et quantum ad hoc obligant dicti conjuges se et suos et quicquid juris habent habere possunt et debent in parrochia de Yssiaco que movere dicuntur de feudo domini episcopi memorati modo et forma quibus res feudales dominis feudorum consueverunt obligari necnon dicti conjuges venditores constituunt fideijussores in manu dicti domini episcopi Perraudum de Barnaut et Johannem dictum de Mont Perroux domicellos quemlibet ipsorum de septem libris et decem solidis dicte monete qui fideijussores promiserunt coram nobis pro se et suis per juramenta sua super sancta Dei evangelia coram nobis corporaliter prestita et ad defectum dictorum conjugum tradere et deliberare dicto domino episcopo aut successoribus suis episcopis Eduensibus vel eorum certo mandato vadia competentia de quibus haberi possint dicte quindecim libre Turonensium quilibet ipsorum de medietate si dictos conjuges aut suos deficere contigerit in premissis Promiserunt siquidem dicti conjuges pro se et suis per juramenta sua super sancta Dei evangelia coram nobis corporaliter prestita et per stipulationem sollempnem se dictos fideijussores super dicta fideijussione conservare indempnes et quod per se seu per alios in judicio vel extra judicium verbo vel facto tacite vel expresse contra premissa vel aliquid premissorum non venient nec contravenienti consentient in futurum immo premissa omnia et singula pro posse suo contra omnes perpetuo garantient et deffendent Renunciaverunt si quidem in hoc facto tam conjuges venditores quam etiam fideijussores pro se et suis [] Datum anno Domini MCC octuagesimo quarto mense octobri