Charter Document - 02060188
| Charter Number: | 02060188 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1275 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p.123) |
Charter:
Nos frater Petrus humilis prior de Borbonio Clugniacensis ordinis et nos magister Johannes de Borbonio canonicus Eduensis et archipresbiter de Borbonio notum facimus quod dominus Regnaudus de Cuzeyo miles et domina Petronilla ejus uxor in presencia dilecti nostri domini Guillermi dicti Chabot presbiteri quem ad ipsos duximus destinandum ipsi tanquam illi cui fidem adhibemus vices nostras committentes recognoscunt publice coram ipso Guillermo et ex certa scientia se cepisse in feodum et tenere a reverendo patre nostro Girardo Dei gratia Eduensi episcopo mansum et heredes dicti Le Mile de Songier cum appendiciis et pertinenciis dicti mansi pro sex libris Viennensium de quibus recognoscunt coram eodem presbitero recepisse et accepisse totaliter gratum suum in pecunia legittime numerata de qua summa pecunie dicti miles et ejus uxor se tenentes pro pagatis promittunt per juramenta sua super hoc corporaliter prestita et sub obligatione omnium bonorum suorum mobilium et immobilium presentium et futurorum ubicumque sint et quecumque omnia premissa tenere firmiter et inviolabiliter observare et se per se seu per alios contra factum hujusmodi non venire nec aliquid attemptare Abrenunciantes [] Datum et actum anno Domini MCC septuagesimo quinto die veneris post festum beati Lazari mense septembri