Charter Document - 02060186
| Charter Number: | 02060186 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1277 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p.122) |
Charter:
Universis presentes litteras inspecturis nos magister Bartholomeus officialis curie archidiaconi Eduensis et archipresbiter de Kadrellis notum facimus quod in nostra presentia propter hoc specialiter constituti Hugoninus dictus de Baugi et Guillermeta ejusdem uxor non coacti non decepti seu in aliquo defraudati sed ex certa scientia et spontanea voluntate sua ut asserunt recognoscunt et confitentur in jure et publice coram nobis se tenere et tenere debere in feodum a reverendo in Christo patre Girardo Dei gratia episcopo Eduensi molendinum et batatorium suum de la Boissiere in quibus predictis molendino et batatorio habundancia aque stagni dicti de Baucet tenet gravamen seu dampnum ut iidem Hugoninus et Guillermeta asserunt coram nobis de quo gravamine seu dampno predicti Hugoninus et Guillermeta nomine quo supra quittant predictum dominum episcopum et suos penitus et absolvunt precio sex librarum Viennensium bonorum et legalium quas iidem Hugoninus et Guillermeta a predicto domino episcopo vel ejus mandato habuerunt et receperunt in pecunia plenarie numerata prout iidem coram nobis in jure confitentur ita tamen quod aqua dicti stagni non debet sursum crescere decetero nec pejus dampnum dictis Hugonino et Guillermete aut molendino et batatorio facere nec inferre sed statu moderno potest et debet decetero permanere promittentes ante nominati Hugoninus et Guillermeta ejusdem uxor pro se et suis per juramenta sua coram nobis corporaliter prestita [] In cujus rei testimonium sigillum curie domini archidiaconi Eduensis ad preces dictorum Hugonini et Guillermete una cum sigillo archipresbiteratus nostri de Kadrellis litteris presentibus duximus apponenda Datum anno Domini MCC septuagesimo septimo mense aprilis