Charter Document - 02060185

Omnibus presentes litteras inspecturis Guillermus Clerici custos sigilli regis in prepositura Sancti Petri Monasterio salutem Noveritis quod coram Thiecelino de Boucenais jurato regis et nostro cui quo ad hoc omnia que in presentibus litteris continentur commisimus vices nostras constitutus dominus Guido de Chanceris miles confessus est publice et in jure se recepisse et tenere in feodum ligium perpetuum super omnes dominos alios a reverendo in Christo patre Hugone Dei gratia Eduensi episcopo ratione episcopatus sui Eduensis domum fortem de Chanceris ipsius Guidonis cum fossatis et pertinenciis dicte domus generaliter universis item stagna homines garennas nemora terras prata molendina taillias census costumas decimas feoda retrofeoda et vineas ipsius Guidonis et generaliter omnia alia et singula que ipse Guido habet et tenet habere et tenere potest et debet ad presens quibuscumque titulis causis et rationibus tacitis et expressis in parrochia et castellania de Yssiaco sive sint homines taillie costume redditus exitus terre prata nemora aque ripparie census decime garenne stagna molendina justicie parve et magne et res alie quecumque sint et quocunque nomine censeantur et possint censeri prout defunctus dominus Guido de Chanceris quondam pater ipsius Guidonis filii tenuit habuit tenebat habebat tempore quo vivebat omnes singulas res supradictas in parrochia et castellania supradictis dictus episcopus Eduensis ob graciam favorem predicti feodi et recompensationem predictorum dedit concessit graciaque et favore donationis irrevocabilis inter vivos facte quittat perpetuo sine spe revocandi predicto Guidoni filio in augmentum ipsius et predicti feodi viginti libras Turonensium in pecunia numerata de quibus viginti libris dictus Guido quittavit perpetuo dictum dominum episcopum et suos successores coram jurato supradicto item et unum mansum vulgaliter appellatum mansum Durant cum ipsius mansi pertinenciis quem mansum Durandus dictus Grangiers dicitur ad presens possidere sive sit dictus mansus cum ejus pertinenciis in terris rebus et non rebus pratis nemoribus censivis et rebus aliis quibuscumque item stagnum et molendinum que sita sunt juxta predictum mansum qui mansus cum ejus pertinenciis universis stagnum et molendinum [] ad predictum dominum episcopum Eduensem vel ratione episcopatus sui Eduensis [] defuncti Gaufridi predictus dominus episcopus Eduensis solverit debita et clamores ipsius Gaufridi prout hec omnia recognovit dictus miles coram jurato supradicto et promisit dictus miles sub obligatione omnium bonorum suorum mobilium et immobilium presentium et futurorum quod non veniet per se vel per alium contra premissa vel premissorum aliqua ullo modo in futurum salvis tamen ipsi Guidoni rebus sibi donatis supradictis immo garantizabit et deffendet dictus miles suis propriis sumptibus et expensis in judicio et extra predicto episcopo Eduensi et suis successoribus omnes res et singulas supradictas moventes de feodo dicti domini episcopi prout superius sunt expresse specialiter erga matrem et sorores ipsius Guidonis similiter et generaliter adversus omnes alios sub dicto feodo quitto et libere ab ipso domino episcopo Eduensi et suis successoribus pacifice et perpetuo possidendo volens et concedens dictus miles se et heredes suos compelli ex parte regis et dicti sigilli custodis qui pro tempore fuerit per captionem traditionem et explectationem bonorum suorum ad observanciam omnium premissorum obligans se et supponens heredes suos et omnia bona sua juridictioni et cohercioni regis positus quo ad ista Et renunciavit [] In quorum omnium memoriam et testimonium presentibus litteris sigillum regis predictum duximus apponendum Datum anno Domini MCC octogesimo octavo die jovis ante festum Cathedre sancti Petri apostoli