Charter Document - 02060178

Universis presentes litteras inspecturis nos Michael humilis abbas Sancti Martini Eduensis et nos frater Guillermus humilis prior Sancti Symphoriani Eduensis notum facimus quod in nostra presentia propter hoc specialiter constitutus dominus Guillermus Sechauz miles non coactus non deceptus nec in aliquo circumventus sed spontaneus et providus ut ipse asserit coram nobis recognoscit et confitetur publice et in jure coram nobis ex certa scientia se tenere et tenere debere in feodum a reverendo in Christo patre Girardo Dei gratia Eduensi episcopo quicquid idem miles habere potest et debet tenet sive possidet apud Baugiacum in parrochia de Yssiaco in hominibus tailliis mansis tenementis censibus costumis terris planis nemoribus et rebus aliis et redditibus aliis quibuscumque et quocunque nomine censeantur quas res universas et singulas homines taillias et redditus alios quoscumque predictos de feodo ejusdem reverendi patris moventes idem Guillermus miles eidem reverendo patri ac domino episcopo Eduensi et suis successoribus pro tempore existentibus titulo pignoris obligat seu etiam ypothecat pro triginta libris Viennensium bonorum et legalium quas idem miles ab eodem reverendo patre habuit et recepit in pecunia numerata prout idem miles coram nobis publice et in jure confitetur volens et concedens idem Guillermus miles coram nobis expresse quod idem reverendus pater Dei gratia Eduensis episcopus et ejus successores predictas res universas et singulos fructus exitus et proventus earumdem teneant habeant percipiant et levent et suos fructus faciant quousque eidem reverendo patri Dei gratia Eduensi episcopo et suis successoribus de predictis triginta libris Viennensium fuerit plenarie satisfactum secundum quod de gaigeria seu obligatione feodorum consuetum est satisfieri ad usus et consuetudines Burgundie a predicto milite vel a suis promittens idem miles per juramentum suum coram nobis super sancta Dei evangelia corporaliter prestitum et sub obligatione omnium bonorum suorum [] In cujus rei testimonium robur et fidem ad preces et instantiam dicti Guillermi nos predictus abbas sigillum nostrum et nos prior predictus sigillum Sancti Simphoriani Eduensis presentibus litteris apponimus Datum anno Domini MCC septuagesimo primo mense januario