Charter Document - 02060176
| Charter Number: | 02060176 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1275 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p116) |
Charter:
Universis presentes litteras inspecturis nos frater Michael abbas humilis Sancti Martini et frater Simon prior humilis Sancti Symphoriani Eduensis notum facimus quod in nostra presencia propter hoc constitutus nobilis vir dominus Guillermus dictus Seschauz miles recognoscens et confitens medietatem tocius taillie mansorum ville de Baugyaco site in parochiatu et castellania de Yssiaco suam esse et ad se pertinere jure hereditario ex parte quondam matris sue defuncte ac eciam esse ac debere esse de justicia juridictione et feodo reverendi in Christo patris nostri Girardi Dei gracia Eduensis episcopi nomine episcopatus Eduensis videlicet mansi Fabri mansi Martini mansi Johannis de Forgia mansi Petri Lupi mansi Martini li Gantier ejus generi mansi Johannis de Turiis mansi au Hauseir mansi Munerii mansi filii Roberti mansi Johannis au Lousevein mansi Petri de Champ Boson mansi dicti Crialat mansi Johannis Poulein mansi Johannis Longi mansi Richardi mansi An dicti Chamoil mansi Johannis dicti Morant et eandem medietatem tocius taillie mansorum prenominatorum et quicquid idem miles habebit vel habere poterit juris et rationis in prefatis mansis villa predicta de Baugiaco pertinenciis et appendiciis eorumdem prefato reverendo patri et suis successoribus episcopis Eduensibus vendit imperpetuum quittat cedit deliberat et concedit pro LX libris Viennensium bonorum et legalium in lege et pondere jam solutis a prenominato patre dicto militi in pecunia legittime numerata prout idem miles coram nobis plenarie confitetur et de quibus LX libris dictus miles se vocat et tenet coram nobis plenarie pro pagato propter que promisit per juramentum suum coram nobis corporaliter prestitum et sub omni et expressa obligatione persone sue et heredum suorum ac eciam omnium bonorum suorum mobilium et immobilium presencium et futurorum quorumcumque sint et ubicumque omnia et singula vendita prefato episcopo et suis successoribus in pace tenere et deffendere ac eciam garantire et se per se vel per alium aut alios quicquid juris seu rationis in predicta villa de Bauge pertinenciis et appendiciis ipsius non repetere aut eciam reclamare in judicio vel extra ecclesiastica vel eciam seculari volens et concedens dictus miles coram nobis se et heredes suos imperpetuum per stipulationem sollempnem specialiter obligando quod si contra premissa vel aliquid premissorum venirent seu in aliquo resilirent quod officialis Eduensis qui pro tempore fuerit quem esse suum judicem ordinarium recognoscit coram nobis idem miles ipsos ad observanciam premissorum per censuram ecclesiasticam compellat et compelli faciat sine advocatione alterius curie sive fori ubicumque eumdem militem et suos heredes suam contigerit facere mansionem Abrenuncians [] Datum anno Domini MCC septuagesimo V mense maii