Charter Document - 02060175

Cum compromissum sit inter reverendos in Christo patres ac dominos Hugonem divina miseratione Eduensem ex una parte et Guillermum eadem miseratione Cabilonensem episcopos ex altera super nos Guillermum decanum et Gerardum archidiaconum Cabilonenses alte et basse super permutatione seu excambio domus Sancti Hylarii de Fontanis Cabilonensis dyocesis reddituum exituum et proventuum necnon terrarum nemorum molendinorum pratorum domorum vinearum et aliarum pertinentiarum et jurium dicte domus quorumcumque et alios redditus equivalentes nos predicti decanus et archidiaconus de voluntate et de consensu unanimi ordinamus et volumus et permutationem facimus in hunc modum videlicet quod dominus episcopus Cabilonensis dictam domum habeat et possideat imperpetuum nomine sedis sue Cabilonensis cum omnibus terris nemoribus pratis vineis molendinis domibus redditibus exitibus et proventibus dicte domus et omnibus pertinentiis et appendiciis dicte domus quibuscumque et quocumque nomine censeantur et faciet deserviri in capella dicte domus per aliquem religiosum et ad cetera honera dicte domus tenebitur in futurum et hec omnia predicta dictus dominus episcopus Eduensis debet dicto domino episcopo Cabilonensi et suis successoribus episcopis Cabilonensibus garantire contra priorem et conventum de Barro et contra omnes et ista faciet de voluntate et de consensu prioris et conventus de Barro et decani et capituli Eduensis Dictus vero episcopus Cabilonensis in recompensationem et permutationem predictorum omnium debet et tenetur assedere et assignare perpetuo quinquaginta libratas terre ad Viennensem domino episcopo Eduensi et suis successoribus apud Sanctum Dyonsium in Vallibus videlicet quadraginta libratas terre in decimis et redditibus quos habent monachi Maceriarum in parochiatu Sancti Dyonisii et villis adjacentibus et ibidem vel prope alias decem libratas ad arbitrium nostrum assidendas vel aliorum bonorum virorum si non possemus vacare et hec omnia promittit dictus dominus episcopus Cabilonensis bona fide facere et implere et garantire domino episcopo Eduensi et suis successoribus de consensu decani et capituli Cabilonensis si posset dictos redditus Maceriarum acquirere a dictis monachis Maceriarum promittens bona fide pro posse suo procurare et facere qualiter dictos redditus acquirere valeat a dictis monachis et habere quos redditus si non possit acquirere tenebitur assedere et assignare propinquiori loco quo poterit dicte ville Sancti Dyonisii in Vallibus tam in redditibus vini et bladi quantum dicti monachi habent in loco predicto et hec omnia debent fieri et adimpleri a dictis episcopis infra festum beati Johannis Baptiste proximo venturum et pro fructibus et redditibus dicte domus anni presentis dictus dominus episcopus Cabilonensis reddet et solvet infra festum beati Vincentii proximo venturum dicto domino episcopo Eduensi vel quinquaginta libras Viennensium vel admodiationem quam fecit Guillermus nepos ejus qui Guillermus nepos dicti domini episcopi teneat admodiationem dicte domus quam fecit eidem dictus dominus episcopus Eduensis donec omnia infra dictum terminum fuerint adimpleta et si quid dubium vel obscurum fuerit in predictis nostre declarationi reservamus et in hiis omnibus nos predicti episcopi consentimus et promittimus adimplere In quorum omnium robur et testimonium nos Hugo Eduensis et Guillermus Cabilonensis episcopi predicti et nos decanus et archidiaconus predicti sigilla nostra presentibus litteris duximus apponenda Datum die dominica in vigilia Omnium Sanctorum anno Domini MCC octogesimo octavo