Charter Document - 02060174
| Charter Number: | 02060174 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1280 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p.113) |
Charter:
Universis presentes litteras inspecturis nos Guillermus dictus Patruz decanus ecclesie Sedelocensis notum facimus quod in nostra presentia propter hoc specialiter constitutus Johannes de Sancto Dyonisio in Vallibus filius Galteri dicti de Cruce serviens domini episcopi Eduensis voluit et concessit quod cum dominus Girardus Dei gratia Eduensis episcopus eidem Johanni et ipsius heredibus ab ipso legittime procreatis dederit atque concesserit imperpetuum quamdam domum sitam apud Sanctum Dyonisium in Vallibus que domus condam fuit Guillermete Barbiere de Sancto Dyonisio quod predicta domus ad predictum dominum episcopum Eduensem et ipsius successores post ipsius Johannis decessum libere revertatur nisi dictus Johannes heredes reliquerit ab ipso legittime procreatos In cujus rei testimonium ad preces et instanciam dicti Johannis predicto reverendo episcopo presentes litteras sigilli nostri munimine tradidimus roboratas Datum et actum anno Domini MCC octogesimo die martis post festum beati Martini estivalis