Charter Document - 02060169
| Charter Number: | 02060169 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1239 |
| Date type: | Internal |
| Resource Link(s): |
Archives départementales de Saône-et-Loire - G 443 (p110) |
Charter:
Nos Willermus miseratione divina Cabilonensis ecclesia minister humilis notum facimus universis presentes litteras inspecturis quod domina Hugueta de Meleceio uxor domini Willermi de Draccio militis laude et assensu ejusdem Willermi mariti sui cepit in feodum legium et chasamentum perpetuum a venerabili patre Guidone Dei gratia Eduensi episcopo totam decimam quam habebat et percipere consueverat infra fines totius parochie Sancti Medardi et vineam suam sitam in la Chaume dou Soler desuper villam de Meleceio que omnia erant de libero alodio ipsius Huguete In cujus rei memoriam et testimonium ad preces dicte Huguete et dicti Willermi mariti sui presentibus litteris sigilli nostri apposuimus munimentum Actum est hoc anno gratie millesimo ducentesimo tricesimo nono mense februario