Charter Document - 02060167
| Charter Number: | 02060167 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1267 |
| Date type: | Internal |
| Resource Link(s): |
Archives départementales de Saône-et-Loire - G 443 (p.109) |
Charter:
Omnibus presentes litteras inspecturis nos Guillermus Boneti canonicus et archipresbiter Eduensis et Hugo de Faucoigneo canonicus Eduensis et abbas secularis ecclesie Cerviduni notum facimus quod in nostra propter hoc presentia specialiter constitutus dominus Robertus dictus de Morer miles ex certa scientia recognoscit et confitetur publice coram nobis se tenere in perpetuum feodum a reverendo patre episcopo Eduensi ratione Eduensis ecclesie apud Sanctum Dionisium in Vallibus et in finagio dicte ville res subscriptas videlicet octo modia vini ad mensuram Cabilonensem annui redditus debitales super terram de Corcellis quam tenent Benedictus et Morellus de Chasauz quartum sextarium vini quod habet in vinea au Levrat quam tenet idem Levrat item dimidium sextarium olei ad mensuram Givreii quem debet dictus Benedictus in quadragesima annuatim item duos panes frumenti et duos bichetos avene ad mensuram Givreii quos debent quolibet anno in crastino festi Nativitatis Domini dicti Benedictus et Morellus et socii eorumdem item et circa quartam partem unius secture prati siti in territorio quod dicitur terra de Corcellis retro grangiam Rion recognoscens et confitens idem miles publice coram nobis se ab eodem episcopo mutuo accepisse triginta quinque libras Viennensium in pecunia numerata et se debere eidem episcopo ex causa mutui summam pecunie supradictam pro qua etiam summa pecunie idem miles tradit et obligat predicto episcopo omnia et singula supradicta que movent et sunt ut dictum est de feodo predicti episcopi ab eodem episcopo tenenda habenda et pacifice possidenda quousque predicto episcopo vel ejus mandato de dicta pecunie summa fuerit plenarie et integre satisfactum Promittitque idem miles coram nobis per juramentum super hoc corporaliter prestitum ab eodem se per se seu per alium contra dictam obligationem non venire nec aliquid de premissis obligatis et fructibus eorumdem percipere et levare aut percipi facere vel levari donec de dicta summa pecunie ut dictum est fuerit satisfactum In cujus rei testimonium ad preces et instanciam predicti militis sigilla nostra litteris presentibus duximus apponenda Datum Edue die martis post Letare Jherusalem anno Domini MCCLX septimo