Charter Document - 02060165
| Charter Number: | 02060165 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1214 |
| Date type: | Internal |
| Resource Link(s): |
Archives départementales de Saône-et-Loire - G 443 (p108) |
Charter:
Ego Robertus Dei gracia episcopus Cabilonensis universis tam presentibus quam futuris notum fieri volumus quod Radulfus Chanaus miles dedit Deo et ecclesie beati Nazarii Eduensis libere possidendum et in perpetuum neumus quod est apud Sanctum Dyonisium in Valle super plantam episcopi Eduensis quod vocatur la Broche Radulphi Chanaus Preterea idem Radulfus miles recepit in feodum a venerabili patre Galtero episcopo Eduensi mansum de Rusile et campum de Perrun et corveiam et pratum de Alta Rippa et quicquid pertinet ad mansum de Rusile et quicquid habebat a manso dou Saugier usque ad Melice a chemino magno de Melice superius Hoc totum laudavit Guillermus miles de Insula frater suus et Guielina uxor ipsius Radulfi In hujus rei testimonium ad peticionem ipsius militis presentem cartulam sigillo nostro confirmavimus Actum anno gracie MCCXIIII mense septembri +