Charter Document - 02060163
| Charter Number: | 02060163 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1244 |
| Date type: | Internal |
| Resource Link(s): |
Archives départementales de Saône-et-Loire - G 443 (p.107) |
Charter:
Nos Willermus permissione divina Cabilonensis ecclesie minister humilis notum facimus universis quod Renaudus famulus venerabilis domini Guidonis Eduensis episcopi apud Sanctum Dyonisium in Vallibus de mandato domini sui et bona voluntate dedit Petro Boterain Petro Fervant R Ruffo Roberto Margarient P Margarient G de Morteres P et W filiis Dei B filio Fervent J Simun M Berodat et R fratribus Laurentio Santeina Willermo Valo G Sine Terra M Fagot Stephano Danculco D Renaut Mo Renart M Garenat Willermo Santena G Chardon Mo Broichat Mo Duron Laurencio Borra Willermo Berra et omnibus aliis de parochia de Gevrey de Cortoamble de Milice et de Rusilley pro omni voluntate eorum facienda salvo jure domini sui et successorum suorum charmas de supero Sanctum Dyonisium in Vallibus ad plantandum vineas ad quartam partem racemorum ab unoquoque qui in dictis charmis plantaverit vineas ad vinum de Peterle deferendum et reddendum Habuit autem dominus Eduensis episcopus de intragio illarum charmarum X libras Dyvionensium Promisit vero bona fide cultoribus dictarum vinearum in pace tenere et contra omnes pro posse in jure garantire Ille autem qui vineam suam non amputabit nec fodiet in anno quolibet ex tunc erit ad placitum domini episcopi et vineam perdet In cujus rei testimonium sigillum nostrum et sigillum H archipresbitere de Montana [] Actum anno Domini MCCXLIIII mense febroario