Charter Document - 02060157
| Charter Number: | 02060157 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1295 |
| Date type: | Internal, A.D. |
| Resource Link(s): |
Archives départementales de Saône-et-Loire - G 443 (p.98) |
Charter:
Universis presentes litteras inspecturis nos Guillermus dictus Myns faber et Guillermeta ejus soror liberi quondam donni Bernardi Joceaume de Edua notum facimus quod nos sponte scienter et provide sine vi et metu pro utilitate nostra evidenti vendimus tradimus et concedimus imperpetuum reverendo in Christo patri domino Hugoni Dei gratia episcopo Eduensi pro se et suis successoribus quamdam nostram peciam terre arabilis sitam in civitate Eduensi que pecia terre dicitur et noncupatur mansus donni Bernardi Joceaume et dicti au maignien et est versus locum qui dicitur quadrivium es Herpeneaux juxta parvam corveiam predicti domini episcopi ex una parte et juxta terram Hugonis Melinete et Galteri dicti Rasclot ex altera et juxta viam publicam per quam itur de castro apud Sanctum Andream et que pecia terre debet annis singulis in marcio eidem domino episcopo tresdecim denarios censuales et etiam tailliam et costumam et est nulli alii persone seu loco in aliquo obligata preterquam domino episcopo supradicto prout asserimus et publice confitemur Hanc autem vendicionem facimus predicto domino episcopo pro precio sexdecim librarum et decem solidorum Viennensium de quibus a dicto domino episcopo plenum et integrum pagamentum habuimus et recepimus in pecunia numerata in utilitatem nostram totaliter jam conversa Quare de predicta pecia terre nos penitus devestimus ob causam venditionis supradicte predictum dominum episcopum nomine suo et successorum suorum investientes de eadem et dominium et possessionem dicte pecie terre transferimus in eumdem nichil juris possessionis vel proprietatis nobis vel nostris heredibus in eadem retinendo promittentes per juramenta nostra [] In quorum omnium testimonium sigillum dicte curie Eduensis et sigillum viri venerabilis domini Guidonis de Castro Novo decani Eduensis presentibus litteris rogavimus et obtinuimus apponi Nos vero officialis Eduensis sigillum curie Eduensis et nos decanus supradicti sigillum nostrum ad preces et requisitionem dictorum venditorum litteris presentibus duximus apponenda Actum anno Domini MCC nonagesimo quinto mense junii