Charter Document - 02060156
| Charter Number: | 02060156 |
|---|---|
| Cartulary Title: | Cartulaire de l'Evêché d'Autun |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1293 |
| Date type: | Internal, A.D., Feast |
| Resource Link(s): |
Archives départementales de Saône-et-Loire - G 443 (p97) |
Charter:
Universis presentes litteras inspecturis nos Gaufridus de Maylleio archidiaconus Belnensis in ecclesia Eduensi notum facimus quod in nostra presentia propter hoc specialiter constitutus dominus Aymo rector ecclesie de Sancto Prejecto versus Arnetum dyocesis Eduensis non coactus [] recognoscit et confitetur publice et in jure coram nobis se nobis admodiasse et nomine admodiationis sibi et successoribus suis rectoribus dicte ecclesie de Sancto Prejecto retinuisse et accepisse a reverendo in Christo patre domino Hugone Dei gratia Eduensi episcopo omnes fructus exitus et proventus oblationes et obventiones et omnia alia jura et actiones pertinentes ad jus patronatus dicte ecclesie de Sancto Prejecto percipiendos et levandos ab ipso rectore et successoribus suis rectoribus dicte ecclesie pro tempore existentibus imperpetuum pro centum solidis Turonensium annui redditus solvendis et reddendis singulis annis imperpetuum dicto domino episcopo ab ipso rectore et successoribus suis rectoribus dicte ecclesie ad terminos infrascriptos videlicet quinquaginta solidos dicte pecunie infra quindenam purificationis beate Marie Virginis et alios quinquaginta solidos ejusdem pecunie ad quindenam resurrectionis Quos centum solidos Turonensium dictus rector promittit pro se et suis successoribus rectoribus dicte ecclesie quos quo ad hoc obligat in quantum potest per juramentum suum super hoc coram nobis corporaliter prestitum et sub obligatione omnium bonorum suorum mobilium et immobilium presentium et futurorum ubicumque existentium reddere et solvere dicto domino episcopo Eduensi vel ejus mandato singulis annis imperpetuum ad dictos terminos omnibus dilationibus postpositis et remotis Vult insuper et concedit dictus rector quod si ipse vel successores sui defecerint in premissis quod nos archidiaconus predictus vel archidiaconus Belnensis qui pro tempore fuerit ipsum rectorem et rectores dicte ecclesie de Sancto Prejecto qui pro tempore fuerint ad observanciam omnium et singulorum predictorum per censuram ecclesiasticam compellamus et compelli faciamus ubicumque maneant vel existant se et suos quo ad hoc juridictioni nostre totaliter supponendo sine advocatione alterius juridictionis sive fori In cujus rei testimonium litteris presentibus sigillum nostrum ad preces dicti rectoris apponimus Datum die martis in octabis Purificationis beate Marie Virginis anno Domini MCC nonagesimo tercio