Charter Document - 02060155

In nomine Domini amen Anno incarnationis ejusdem MCC nonagesimo primo mense mayo ego Guillermus Brutins de Edua notum facio universis presentibus et futuris quod ego confiteor et in veritate publice recognosco me et heredes meos tenere in feudum a reverendo in Christo patre Hugone Dei gratia Eduensi episcopo nomine sue ecclesie Eduensis res que inferius annotantur videlicet mansum Guillermi de Mont de maison parrochiatus de Brecis supra Eduam qui mansus est tailliabilis et explectabilis alte et basse et pro quo debetur quolibet anno duos solidos censuales et duos sextarios avene ad mensuram de Rivello de costuma ultra tailliam item mansum Guion de Mont de maison tailliabilem et explectabilem alte et basse et pro quo debetur quolibet anno unum sextarium avene de costuma ad dictam mensuram ultra tailliam item medietatem mansi au Chivrer pro quo debetur quolibet anno unum sextarium avene ad dictam mensuram et dimidium sextarium vini et dimidiam gallinam de costuma cum corveya tantummodo item unum sextarium avene ad dictam mensuram et dimidium sextarium vini que debet Robertus de Biere quolibet anno pro terra et pratis de Molis et de Mont Coper item apud Teneigriam de supra Velers in parrochiatu predicto mansum Renaudi de Taigneria tailliabilem et explectabilem alte et basse et pro quo debetur quolibet anno unum sextarium avene ad dictam mensuram de costuma et triginta denarios censuales ultra tailliam et debetur dare ad cenandum sufficienter illi qui solvit dictos triginta denarios si solverit eos in crastina Nativitatis Domini et aliter non item mansum Durandi de Taigneria tailliabilem et explectabilem alte et basse et pro quo debetur quolibet anno unum sextarium avene ad dictam mensuram de costuma ultra tailliam item nemus meum prout durat et se extendit a croso de l'Omme mort usque ad fontem de Molaine de longo in latum subtus cheminum per quod itur ab Edua versus Montcenys item nemora que vocantur les Corvées de Mont Coper que sita sunt supra forestam de Vaul Raincon cum terris ibidem existentibus in quibus Robertus de Biere habet medietatem item et octavam partem totius nemoris prout durat et se extendit a croso de l'Omme mort usque ad caudam de Mont Coper et ex hinc ante domum es Herbelins et cheminum per quod itur ab Edua versus Montcenix et generaliter totum illud quod teneo et habeo in parrochiatu de Brecis supradicto tam in hominibus domibus terris pratis nemoribus usagiis planis pascuis censivis costumis serviciis tailliis fructibus exitibus redditibus juridictione quam aliis rebus et juribus quibuscumque et quecumque sint et quocunque nomine censeantur promittens per juramentum meum prestitum corporale et sub obligatione omnium bonorum meorum predictum feudum garantire dicto domino episcopo et suis successoribus nomine sue ecclesie Eduensis et contra tenorem presentis littere de cetero non venire immo fidelitatem perpetuam dicto domino episcopo et suis successoribus conservare racione feudi supradicti quod vero feudum et jus feudale et quicquid juris et racionis habeo in predictis ego dictus Guillermus trado et delibero in manu ipsius domini episcopi et ejus successorum in pignore seu gaigeria pro viginti libris Viennensium quas ex causa mutui recepi et habui ab eodem in pecunia numerata de quibus me teneo pro pagato Quare de predictis omnibus et singulis in presenti gaigeria contentis me penitus devestio et dictum dominum episcopum et ejus successores ob causam dicte gaigerie investio corporaliter ab ipso domino episcopo et ejus successoribus predicta omnia et singula tenenda possidenda et habenda et fructus inde suos faciendos sine aliqua acquitatione tanquam rem feudalem et prout moris est quousque satisfactum sibi fuerit de pecunia supradicta Renuncians [] In cujus rei testimonium [] Actum in presentia Hugonis de Sancto Poncio []